തിരുവനന്തപുരം: 2024-25 സാമ്പത്തിക വര്‍ഷത്തിലെ അവസാനത്തെ ഒന്നരമാസം കൊണ്ട് ക്ലീന്‍ കേരള കമ്പനി കെ എസ് ആര്‍ ടി സിയുടെ വിവിധ ഡിപ്പോകളില്‍ നിന്നും സെന്‍ട്രല്‍ വര്‍ക്ക് ഷോപ്പുകളില്‍ നിന്നും 66,410 കി.ഗ്രാം അജൈവ മാലിന്യം ശേഖരിച്ച് സംസ്‌ക്കരണത്തിനയച്ചു.

റിജക്ട്‌സ്/ ലെഗസി ഇനത്തില്‍പ്പെട്ട പുനരുപയോഗയോഗ്യമല്ലാത്ത 61,220 കി.ഗ്രാം, ഇ-വേസ്റ്റ് 4,560 കി.ഗ്രാം, ഇരുമ്പ് സ്‌ക്രാപ്പ് 630 കി.ഗ്രാം എന്നിവയാണ് ശേഖരിച്ചത്. തിരുവനന്തപുരം (16,520 കി.ഗ്രാം), കോഴിക്കോട് (15,840 കി.ഗ്രാം), മലപ്പുറം (10,570 കി.ഗ്രാം), ആലപ്പുഴ (8,260 കി.ഗ്രാം) ജില്ലകളില്‍ നിന്ന് കൂടുതല്‍ മാലിന്യം ശേഖരിക്കാനായി. വിവിധ ജില്ലകളില്‍ ശേഖരണം നടന്നു വരുന്നു.

പൂര്‍ണ്ണമായും പുനരുപയോഗിക്കാന്‍ കഴിയാത്തവ ക്ലീന്‍ കേരള കമ്പനിയുമായി കരാര്‍ വച്ചിട്ടുള്ള സിമന്റ് ഫാക്ടറികളിലേക്ക് ഇന്ധന ഉപയോഗത്തിനായി അയക്കുകയും പുനരുപയോഗ സാധ്യമായവ റീസൈക്ലേസിന് കൈമാറുകയുമാണ് ചെയ്യുന്നത്.

സ്വന്തം ലേഖകൻ