അബദ്ധത്തില്‍ ഉമ്മത്തിന്‍ കായ കഴിച്ചു; വയോധികയ്ക്ക് ദാരുണാന്ത്യം

അടിമാലി: അബദ്ധത്തില്‍ ഉമ്മത്തിന്‍ കായ കഴിച്ച ഗൃഹനാഥ മരിച്ചു. കല്ലാര്‍ അറുപതാംമൈല്‍ പൊട്ടയ്ക്കല്‍ പരേതനായ വര്‍ഗീസിന്റെ ഭാര്യ ഏലിക്കുട്ടി (89) ആണു മരിച്ചത്. ഇന്നലെ ഉച്ചയ്ക്ക് 2ന് വീട്ടില്‍വച്ച് അബദ്ധത്തില്‍ ഉമ്മത്തിന്‍ കായ കഴിക്കുകയായിരുന്നുവെന്നു ബന്ധുക്കള്‍ പറഞ്ഞു.

പിന്നാലെ അസ്വസ്ഥത അനുഭവപ്പെട്ടതിനെത്തുടര്‍ന്ന് അടിമാലി താലൂക്കാശുപത്രിയില്‍ എത്തിച്ചെങ്കിലും രക്ഷിക്കാനായില്ല. സംസ്‌കാരം ഇന്ന് 3നു കല്ലാര്‍ സെന്റ് മേരീസ് യാക്കോബായ പള്ളിയില്‍. മക്കള്‍: കുര്യാക്കോസ്, ജെസി, ബീന, ബാബു, സാബു, സാലി. മരുമക്കള്‍: ആലീസ്, ജോയി, ബാബു, ഷിബി, റീന, റോയി.