പൂച്ചാക്കലില്‍ സ്വകാര്യ ശിശുസംരക്ഷണ കേന്ദ്രത്തില്‍ നിന്നും കാണാതായ പെണ്‍കുട്ടികളില്‍ ഒരാളെ കണ്ടെത്തി; ശിവകാമിയ്ക്കായി തിരച്ചില്‍ തുടരുന്നു

ആലപ്പുഴ: പൂച്ചാക്കലില്‍ സ്വകാര്യ ശിശുസംരക്ഷണ കേന്ദ്രത്തില്‍ നിന്നും കാണാതായ പെണ്‍കുട്ടികളില്‍ ഒരാളെ കണ്ടെത്തി. രണ്ട് പെണ്‍കുട്ടികളെയാണ് ചൊവ്വാഴ്ച കാണാതായത്. ഇതില്‍ ശിവകാമി (16)യെയാണ് ഇനി കണ്ടെത്താന്‍ ഉള്ളത്. ദിശ കാരുണ്യകേന്ദ്രം ഗേള്‍സ് ഹോം എന്ന ശിശു സംരക്ഷണ കേന്ദ്രത്തില്‍ നിന്നാണ് ഇവരെ കാണാതായത്. ഒരാളെ ആലപ്പുഴയില്‍ വച്ച് ഇന്ന് പുലര്‍ച്ചെ പോലീസ് കണ്ടെത്തുകയായിരുന്നു. കുട്ടികള്‍ രണ്ടുപേരും പുലര്‍ച്ചെ ശിശു സംരക്ഷണ കേന്ദ്രത്തില്‍ നിന്നും ഇറങ്ങിപ്പോകുന്ന സിസിടിവി ദൃശ്യങ്ങള്‍ പോലിസ് പുറത്തുവിട്ടിരുന്നു.