എംഡിഎംഎയുമായി പോക്‌സോ കേസ് പ്രതി അറസ്റ്റില്‍; പിടിയിലായത് തലസ്ഥാനത്തിന്റെ വിവിധ ഭാഗങ്ങളില്‍ ലഹരി വില്‍പന നടത്തിയിരുന്ന യുവാവ്: പിടിച്ചെടുത്തത് 32 ഗ്രാം എംഡിഎംഎ

തിരുവനന്തപുരം: തലസ്ഥാനത്ത് പോക്സോ കേസ് പ്രതി എംഡിഎംഎയുമായി അറസ്റ്റിലായി. മുട്ടത്തറ പൊന്നറനഗര്‍ സ്വദേശി ഗോപകുമാര്‍ (24) ആണ് തിരുവനന്തപുരം ഡാന്‍സാഫ് ടീമിന്റെയും ഫോര്‍ട്ട് പൊലീസിന്റെയും പരിശോധനയില്‍ പിടിയിലായത്. 32 ഗ്രാം എംഡിഎംഎയും യുവാവിന്റെ പക്കല്‍ നിന്നും പോലിസ് പിടിച്ചെടുത്തു.

2022 ല്‍ ഫോര്‍ട്ട് പൊലീസ് രജിസ്റ്റര്‍ ചെയ്ത പോക്‌സോ കേസില്‍ പ്രതിയായിരുന്ന ഇയാളില്‍ നിന്നും ബെംഗളൂരുവില്‍ നിന്ന് ചില്ലറ വില്‍പനയ്ക്കായായിരുന്ന എംഡിഎംഎയാണ് പിടികൂടിയത്. തലസ്ഥാനത്തിന്റെ വിവിധ ഭാഗങ്ങളില്‍ ഇയാള്‍ എംഡിഎംഎ വില്‍പന നടത്തുന്നുവെന്ന രഹസ്യവിവരത്തിന്റെ അടിസ്ഥാനത്തില്‍ പൊലീസ് നിരീക്ഷിച്ച് വരികയായിരുന്നു. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്‌തെന്ന് ഫോര്‍ട്ട് പൊലീസ് അറിയിച്ചു.