കോഴിക്കോട്-പാലക്കാട് പ്രത്യേക തീവണ്ടി ഇനി എല്ലാ ദിവസവും ഓടും; രാവിലെ 10.10-ന് കോഴിക്കോട്ടുനിന്ന് ആരംഭിച്ച് ഉച്ചയ്ക്ക് 1.05-ന് പാലക്കാട്ടെത്തും

പാലക്കാട്: കോഴിക്കോട്-പാലക്കാട് പാതയില്‍ പകല്‍ ഓടിയിരുന്ന പ്രത്യേക തീവണ്ടി വ്യാഴാഴ്ച മുതല്‍ എല്ലാദിവസവും ഓടും. 06071 പ്രത്യേക പാസഞ്ചര്‍വണ്ടി രാവിലെ 10.10-ന് കോഴിക്കോട്ടുനിന്ന് ആരംഭിച്ച് ഉച്ചയ്ക്ക് 1.05-ന് പാലക്കാട്ടെത്തും. തിരികെ 06031-ാം നമ്പര്‍ വണ്ടിയായി 1.50-ന് കണ്ണൂരിലേക്ക് യാത്രതിരിക്കും. ജൂണ്‍ 23-ന് ആരംഭിച്ച ഈ വണ്ടി ആഴ്ചയില്‍ ആറുദിവസം മാത്രമാണ് ഓടിയിരുന്നത്.

ശനിയാഴ്ചകളില്‍ ഷൊര്‍ണൂര്‍വരെ എത്തി തിരികെപ്പോവുകയായിരുന്നു പതിവ്. ഇതാണ് എല്ലാ ദിവസവുമാക്കിയത്. അതേസമയം, ശനിയാഴ്ചകളില്‍ ഓടിയിരുന്ന 06179/06075 കോഴിക്കോട്-ഷൊര്‍ണൂര്‍ ജങ്ഷന്‍-കണ്ണൂര്‍ പ്രത്യേക തീവണ്ടി ജൂലായ് 12മുതല്‍ റദ്ദാക്കിയതായും അധികൃതര്‍ പത്രക്കുറിപ്പില്‍ അറിയിച്ചു.