ട്രെയിനില്‍ നിന്ന് ചാടിയിറങ്ങാന്‍ ശ്രമിക്കവെ ട്രാക്കിലേക്ക് വീണു; യുവാവിന്റെ ഇരുകാലുകളും അറ്റു; ഗുരുതര പരിക്ക്

കോഴിക്കോട്: ട്രെയിനില്‍ നിന്നും ചാടി ഇറങ്ങാന്‍ ശ്രമിക്കവെ ട്രാക്കിലേക്ക് വീണ യുവാവിന് ഗുരുതര പരിക്ക്. കൊയിലാണ്ടി റെയില്‍വേ സ്റ്റേഷനിലാണ് സംഭവം. ഇന്ന് രാവിലെ വന്ന സൂപ്പര്‍ഫാസ്റ്റില്‍ നിന്നുമാണ് ബെംഗളൂരു സ്വദേശിയായ ശിവശങ്കര്‍ ചാടി ഇറങ്ങാന്‍ ശ്രമിച്ചത്.

ട്രാക്കില്‍ വീണ ശിവശങ്കറിന്റെ ഇരുകാലുകളും അറ്റു. കൊയിലാണ്ടി അഗ്‌നിരക്ഷാ സേനാംഗങ്ങള്‍ എത്തിയാണ് ഇയാളെ ആശുപത്രിയിലേക്ക് മാറ്റിയത്. ആദ്യം കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും പരിക്ക് ഗുരുതരമായതിലാണ് കോഴിക്കോട് മെഡിക്കല്‍ കോളേജിലേക്ക് മാറ്റി.