മലപ്പുറം: തിരുനാവായയില്‍ റെയില്‍വേ ട്രാക്കില്‍ ഇരുമ്പ് കമ്പികള്‍ കണ്ടെത്തി. കുറ്റിപ്പുറത്തിനും തിരൂരിനും ഇടയില്‍ തിരുനാവായ റെയില്‍വെ സ്റ്റേഷന് സമീപം ഇന്നു രാവിലെയാണ് സംഭവം. തൃശൂര്‍- കണ്ണൂര്‍ പാസഞ്ചര്‍ ട്രെയിന്‍ എത്തുന്ന സമയത്താണ് ട്രാക്കില്‍ കമ്പി കണ്ടെത്തിയത്.

കെട്ടിടാവശിഷ്ടങ്ങളുടെ ഭാഗമായ തുരുമ്പിച്ച കമ്പികളാണിവ. ട്രെയിന്‍ എത്തുന്നതിന് തൊട്ടുമുമ്പ് കമ്പി കണ്ടെത്തി ട്രാക്കില്‍ നിന്ന് മാറ്റിയതിനാല്‍ വലിയ അപകടമൊഴിവായി. സംഭവത്തില്‍ ആന്ധ്രാപ്രദേശ് സ്വദേശിയെ തിരൂര്‍ പോലീസ് കസ്റ്റഡിയിലെടുത്തു. ഇയാള്‍ പരസ്പര വിരുദ്ധമായ മൊഴിയാണ് നല്കിയതെന്ന് പോലീസ് പറഞ്ഞു. ഇയാളെ കൂടുതല്‍ ചോദ്യം ചെയ്തുവരുകയാണ്.

സ്വന്തം ലേഖകൻ