പാലക്കാട്ടെ സ്‌ഫോടനങ്ങള്‍ അന്വേഷിക്കാന്‍ പ്രത്യേക അന്വേഷണസംഘം വരും; കോയമ്പത്തൂരിലെ ജലാറ്റിന്‍ സ്റ്റിക്കും അന്വേഷണത്തില്‍

പാലക്കാട്: പാലക്കാട് ജില്ലയിലെ സ്‌ഫോടനങ്ങള്‍ അന്വേഷിക്കാന്‍ പ്രത്യേക അന്വേഷണസംഘത്തെ നിയോഗിക്കും. മൂത്താന്‍തറ വ്യാസവിദ്യാപീഠം സ്‌കൂളിന് സമീപത്തും പുതുനഗരത്തെ വീട്ടിലെ സ്‌ഫോടനവുമാണ് പ്രത്യേകസംഘം അന്വേഷിക്കുക.

ഡിവൈഎസ്പി റാങ്കില്‍ കുറയാത്ത ഉദ്യോഗസ്ഥന്‍ അന്വേഷണത്തിന് നേതൃത്വം നല്‍കും. പുതുനഗരത്ത് പൊട്ടിയത് പന്നിപടക്കമാണെന്ന് കണ്ടെത്തലിന് പിന്നാലെ വനംവകുപ്പും അന്വേഷണം നടത്തും. നിലവില്‍ പൊലീസ് അറസ്റ്റ് ചെയ്ത പ്രതികളില്‍ നിന്നും വനം വകുപ്പും മൊഴി എടുത്തേക്കും.

ക്വാറിയിലെ സ്‌ഫോടക വസ്തുക്കള്‍ വരുന്നതിന്റെ വിവരങ്ങള്‍ ശേഖരിക്കും. കോയമ്പത്തൂരില്‍ കഴിഞ്ഞ മാസം 26ന് ജലാറ്റിന്‍ സ്റ്റിക് കോയമ്പത്തൂര്‍ തീവ്രവാദ വരുദ്ധ സേന പിടികൂടിയിരുന്നു. കേരളത്തിലെക്ക് വരുന്ന ലോറിയാണ് പിടികൂടിയത്. ഇതിന്റെ വിവരങ്ങളും അന്വേഷണ സംഘം ശേഖരിക്കും.