മഴ; ആറ് ജില്ലകളില്‍ ഇന്ന് യെല്ലോ അലര്‍ട്ട്

തിരുവനന്തപുരം: ചൊവ്വാഴ്ച ആറുജില്ലകളില്‍ ഒറ്റപ്പെട്ട സ്ഥലങ്ങളില്‍ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാവകുപ്പ്. തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം ജില്ലകള്‍ക്ക് മഞ്ഞമുന്നറിയിപ്പ് നല്‍കി.

വ്യാഴാഴ്ച പത്തനംതിട്ട, ഇടുക്കി, പാലക്കാട്, മലപ്പുറം ജില്ലകള്‍ക്കും മഞ്ഞമുന്നറിയിപ്പ് നല്‍കി. വടക്കന്‍ ഗുജറാത്തിനും തെക്കുപടിഞ്ഞാറന്‍ രാജസ്ഥാനിലുമായി രൂപപ്പെട്ട ന്യൂനമര്‍ദം അതിതീവ്രന്യൂനമര്‍ദമായി മാറിയിട്ടുണ്ട്. ബംഗാള്‍ ഉള്‍ക്കടലിനുമുകളില്‍ തെക്കന്‍ ഒഡിഷ, വടക്കന്‍ ആന്ധ്രപ്രദേശ് തീരങ്ങളോടുചേര്‍ന്ന് ചക്രവാതച്ചുഴിയുമുണ്ട്.