ജനവാസമേഖലയില്‍ കടുത്ത ഭീഷണി; നെടുമങ്ങാട് കാട്ടുപന്നികളെ വെടിവച്ചുകൊന്നു

തിരുവനന്തപുരം: നെടുമങ്ങാട് നഗരസഭയിലെ ജനവാസ മേഖലകളില്‍ ഭീഷണിയായിരുന്ന നാല് കാട്ടുപന്നികളെ വെടിവച്ചുകൊന്നു. കൃഷി നശിപ്പിക്കുകയും ജനങ്ങളുടെ ജീവന് ഭീഷണിയാവുകയും ചെയ്ത പന്നികളെയാണ് നഗരസഭ നിയോഗിച്ച ഷൂട്ടര്‍ വെടിവെച്ചത്. ആര്‍ആര്‍എസ് യൂണിറ്റിന് സമീപത്ത് നിന്ന് രണ്ടെണ്ണവും കല്ലുവരമ്പ് വാര്‍ഡില്‍ കല്ലുവരമ്പില്‍ നിന്നും കുശര്‍കോട് വാര്‍ഡില്‍ ഇരപ്പില്‍ നിന്നുമാണ് ഓരോ പന്നികളെ വെടി വച്ചത്. ജനവാസമേഖലയില്‍ കൃഷി നശിപ്പിക്കികയും ജനങ്ങളുടെ ജീവനും സ്വത്തിനും ഭീഷണിയായി മാറിയ പന്നികളെയാണ് ഷൂട്ടര്‍ അരുണ്‍ വെടി വച്ചു കൊന്നത്. പന്നികളെ മറവു ചെയ്തു.