വീടിന് മുന്നില്‍ ബൈക്കുകള്‍ റേസ് ചെയ്തത് രാജേഷ് ചോദ്യം ചെയ്തത് പ്രകോപനമായി; മണ്ണന്തലയില്‍ വാദികളും പ്രതികളും ഗുണ്ടാലിസ്റ്റിലുള്ളവര്‍

തിരുവനന്തപുരം: മണ്ണന്തലയില്‍ ഗുണ്ടാ നേതാവിന്റെ വീടിനു നേരെ ആക്രമണം ആസൂത്രണം. ഗുണ്ടാലിസ്റ്റില്‍പ്പെട്ട രാജേഷിന്റെ വീടിന് നേരെയാണ് തിങ്കളാഴ്ച രാത്രി ആറംഗ സംഘം ആക്രമണം നടത്തിയത്. സംഭവത്തില്‍ പ്രതികളെ പിടികൂടാനായിട്ടില്ല.

വടിവാള്‍ അടക്കമുള്ള ആയുധങ്ങളുമായെത്തിയ സംഘം വീടിന് നേരെ നാടന്‍ പടക്കമെറിഞ്ഞു. തുടര്‍ന്ന് വീട്ടുമുറ്റത്തും റോഡിലും ഉണ്ടായിരുന്ന മൂന്ന് ഓട്ടോറിക്ഷകളും രണ്ട് കാറുകളും ഒരു ബൈക്കും അടിച്ചുതകര്‍ത്തു.

ആക്രമണം നടത്തിയവരില്‍ ചിലര്‍ ഗുണ്ടാലിസ്റ്റില്‍പെട്ടവരാണെന്നാണ് വിവരം. വീടിന് മുന്നില്‍ വെച്ച് ബൈക്കുകള്‍ റേസ് ചെയ്തത് രാജേഷ് ചോദ്യം ചെയ്തപ്പോഴുണ്ടായ പ്രകോപനമാണ് ആക്രമണത്തിന് കാരണമെന്നാണ് വിവരം.