എഞ്ചിന്‍ തകരാര്‍; ഷൊര്‍ണൂര്‍-എറണാകുളം പാതയില്‍ ട്രെയിന്‍ ഗതാഗതം തടസപ്പെട്ടു

തൃശൂര്‍: എഞ്ചിന്‍ തകരാറിനെ തുടര്‍ന്ന് ട്രെയിന്‍ നിര്‍ത്തിയിട്ടതോടെ, ഷൊര്‍ണൂര്‍-എറണാകുളം പാതയില്‍ ഗതാഗതം തടസപ്പെട്ടു. എറണാകുളം - മംഗളാ ലക്ഷദ്വീപ് എക്‌സ്പ്രസിന്റെ എഞ്ചിനാണ് തകരാറിലായത്. ഇതോടെ ഷൊര്‍ണൂരില്‍ നിന്ന് എറണാകുളം ഭാഗത്തേക്ക് പോകേണ്ട നിരവധി ട്രെയിനുകള്‍ വൈകുന്നു.

ഷൊര്‍ണൂരില്‍ നിന്ന് പുതിയ എന്‍ജിന്‍ എത്തിച്ച് തകരാര്‍ പരിഹരിക്കാനുള്ള നീക്കം തുടങ്ങി. വള്ളത്തോള്‍ നഗര്‍ റെയില്‍വേ സ്റ്റേഷനും - വടക്കാഞ്ചേരിക്ക് ഇടയില്‍ വച്ചാണ് എഞ്ചിന്‍ തകരാര്‍ സംഭവിച്ചത്. ഇതോടെ ഷൊര്‍ണൂരില്‍ നിന്ന് എറണാകുളത്തേക്ക് പോകേണ്ട നിരവധി ട്രെയിനുകളാണ് വൈകുന്നത്.

ട്രെയിന്‍ വള്ളത്തോള്‍ നഗര്‍ റെയില്‍വേ സ്റ്റേഷനിലേക്ക് മാറ്റിയിട്ടുണ്ട്. മറ്റു ട്രെയിനുകള്‍ കടത്തിവിട്ടുകൊണ്ടിരിക്കുകയാണ്. മറ്റു ട്രെയിനുകള്‍ കടത്തിവിട്ട ശേഷം ട്രെയിന്‍ ഷൊര്‍ണൂരിലേക്ക് എത്തിക്കും.