ആര്‍മി പരിശീലനത്തിന് പോകാന്‍ നിന്ന പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോയില്‍ കയറ്റിക്കൊണ്ടുപോയി പീഡിപ്പിച്ചു; 26കാരന്‍ അറസ്റ്റില്‍

തിരുവനന്തപുരം: പ്രായപൂര്‍ത്തിയാകാത്ത പെണ്‍കുട്ടിയെ ഓട്ടോയില്‍ കയറ്റിക്കൊണ്ടുപോയി പീഡിപ്പിച്ച യുവാവ് പിടിയില്‍. ആറാംമൂട് വില്ലേജില്‍ ഒന്നാം വാര്‍ഡില്‍ പ്ലാങ്കാവിള അഴുകറത്തല ചാനല്‍ക്കര വീട്ടില്‍ അബു താഹിറിനെയാണ് (26) പൊലീസ് അറസ്റ്റ് ചെയ്തത്. തിരുവനന്തപുരം നെയ്യാറ്റിന്‍കരയിലാണ് സംഭവം. ആര്‍മി പരിശീലനത്തിന് പോകാനായി റോഡ് വക്കില്‍ ബസ് കാത്തുനിന്ന പെണ്‍കുട്ടിയാണ് പീഡനത്തിനിരയായത്.

ആര്‍മി പരിശീലന കേന്ദ്രത്തിലെ കൗണ്‍സിലിങ്ങിനിടെയാണ് പെണ്‍കുട്ടി ഇക്കാര്യം അദ്ധ്യാപികയോട് തുറന്ന് പറഞ്ഞത്. രേഖാമൂലം സി.ഡബ്ല്യു.സിയില്‍ വിവരമറിയിക്കുകയും പൊലീസില്‍ പരാതി നല്‍കുകയുമായിരുന്നു. എ.സി.പി സ്റ്റുവെര്‍ട്ട് കീലറിന്റെ നേതൃത്വത്തില്‍ സി.ഐ വിമല്‍, എസ്.ഐമാരായ വിപിന്‍, ബാലസുബ്രഹ്‌മണ്യന്‍,സൂരജ്,എ.എസ്.ഐ അനില്‍ കുമാര്‍, രാജേഷ്, സി.പി.ഒമാരായ ഷൈന്‍, ഷീല, ദീപു, പ്രവീണ്‍, സുല്‍ഫി, ഷിനി എന്നിവരാണ് അബു താഹിറിനെ അറസ്റ്റ് ചെയ്തത്.