ഡ്രില്ലിങ് മെഷീന്‍ തലയില്‍ തുളച്ചുകയറി രണ്ടര വയസുകാരന് ദാരുണാന്ത്യം; ദുരന്തം തിരുവനന്തപുരത്ത് കിഴക്കെക്കോട്ട പടിഞ്ഞാറെ നടയ്ക്ക് സമീപത്തുള്ള വീട്ടില്‍

തിരുവനന്തപുരം: ഡ്രില്ലിങ് മെഷീന്‍ തലയില്‍ തുളച്ചുകയറി രണ്ടര വയസുകാരന് ദാരുണാന്ത്യം. തിരുവനന്തപുരം കിഴക്കെക്കോട്ട പടിഞ്ഞാറെ നടയ്ക്ക് സമീപത്ത് വെച്ചാണ് സംഭവം. രണ്ടര വയസുകാരന്‍ ധ്രുവ് ആണ് മരിച്ചത്. കഴിഞ്ഞ ദിവസമാണ് സംഭവം നടന്നത്. ആശുപത്രിയില്‍ ചികിത്സയിലിരിക്കെയാണ് മരണം. വീട്ടില്‍ നവീകരണ പ്രവര്‍ത്തനങ്ങള്‍ നടക്കുകയായിരുന്നു. ഇതിന്റെ ആവശ്യങ്ങള്‍ക്കായാണ് ഡ്രില്ലിങ് മെഷീന്‍ കൊണ്ടുവന്നത്. കുട്ടി ഇതെടുത്തപ്പോഴാണ് അപകടമുണ്ടായത്.

പിതാവ് ഡ്രില്ലിങ് മെഷീന്‍ ഉപയോഗിച്ചശേഷം താഴെ വെച്ച് മറ്റു ജോലിയിലേക്ക് കടക്കുമ്പോഴായിരുന്നു ധ്രുവ് അബദ്ധത്തില്‍ മെഷീന്‍ എടുത്തുനോക്കിയത്. ധ്രുവ് കയ്യിലെടുത്തപ്പോള്‍ മെഷീന്‍ ഓണാവുകയും തുളച്ചുകയറുകയുമായിരുന്നുവെന്നാണ് വിവരം.