പതിനാലുകാരിയെ പ്രണയം നടിച്ച് ലൈംഗിക അതിക്രമം; തടയാന്‍ ശ്രമിച്ച മാതാപിതാക്കളെ ഭീഷണിപ്പെടുത്തി: 19കാരന്‍ അറസ്റ്റില്‍
പതിനാലുകാരിയെ പ്രണയം നടിച്ച് ലൈംഗിക അതിക്രമം; 19കാരന്‍ അറസ്റ്റില്‍
ചെങ്ങന്നൂര്‍: പതിനാലുകാരിയെ പ്രണയം നടിച്ച് ലൈംഗിക അതിക്രമത്തിന് ഇരയാക്കുകയും തടാന്‍ ശ്രമിച്ച മാതാപിതാക്കളെ ഭീഷണിപ്പെടുത്തുകയും ചെയ്ത 19കാരനെ പോലിസ് അറസ്റ്റ് ചെയ്തു. വെണ്‍മണി ഏറം മുറിയില്‍ കല്ലിടാംകുഴിയില്‍ തുണ്ടില്‍ അച്ചു (19) വിനെയാണ് പൊലീസ് അറസ്റ്റ് ചെയ്തത്. വെണ്‍മണി സ്വദേശിനിയായ 14 വയസുകാരിയാണ് ലൈംഗിക അതിക്രമത്തിന് ഇരയായത്.
പെണ്‍കുട്ടിയുമായി ഇയാള്‍ പ്രണയത്തിലായിരുന്നു. പെണ്‍കുട്ടിയുടെ വിശ്വാസം പിടിച്ചു പറ്റിയ പ്രതി പ്രായപൂര്‍ത്തി ആയാല്‍ വിവാഹം കഴിച്ചുകൊള്ളാമെന്ന് വാക്കു കൊടുത്തു
. ഇതിന് പിന്നാലെ പെണ്‍കുട്ടി താമസിക്കുന്ന വീട്ടിലെത്തി ഭീഷണിപ്പെടുത്തി ലൈംഗിക അതിക്രമം നടത്തുകയായിരുന്നു. മകളെ പീഡിപ്പിക്കുന്നത് തടയാന്‍ ശ്രമിച്ച പെണ്‍കുട്ടിയുടെ മാതാപിതാക്കളെ 19കാരന്‍ ഭീഷണിപ്പെടുത്തുകയും ദേഹോപദ്രവം ഏല്‍പ്പിക്കുകയും ചെയ്തിരുന്നു. ഇതിനാണ് ഇയാളെ അറസ്റ്റ് ചെയ്തത്.
സംഭവത്തിന് ശേഷം ഒളിവില്‍ പോയ പ്രതിയെ തിരുവല്ലാ ഭാഗത്ത് വച്ച് കഴിഞ്ഞ ദിവസം അറസ്റ്റ്‌ചെയ്തു. ചെങ്ങന്നൂര്‍ ജുഡീഷ്യല്‍ ഒന്നാം ക്ലാസ് മജിസ്‌റ്റ്രേറ്റ് കോടതി 1 മുമ്പാകെ ഹാജരാക്കിയ പ്രതിയെ കോടതി 14 ദിവസത്തേക്ക് റിമാന്‍ഡ് ചെയ്തു.
