തിരുവനന്തപുരം ഉറിയാക്കോട് ഫാക്ടറിയിലുണ്ടായ പൊട്ടിത്തെറിയില്‍ ഒരാള്‍ മരിച്ചു; സോഫാ സെറ്റി നിര്‍മാണത്തിനുള്ള കംപ്രസര്‍ പൊട്ടിത്തെറിച്ച് മരിച്ചത് അസം സ്വദേശി സരോജ്

തിരുവനന്തപുരം: തിരുവനന്തപുരം ഉറിയാക്കോട് ഫാക്ടറിയിലുണ്ടായ പൊട്ടിത്തെറിയില്‍ ഒരാള്‍ മരിച്ചു. അസം സ്വദേശി സരോജ് (സ്വാമി) ആണ് മരിച്ചത്. സോഫാ സെറ്റി നിര്‍മാണത്തിനുള്ള കംപ്രസര്‍ പൊട്ടിത്തെറിച്ചാണ് അപകടം.

എച്ച് എസ് മാര്‍ക്കറ്റില്‍ സോഫാസെറ്റി നിര്‍മാണ ഫാക്ടറിയിലാണ് അപകടം. സോഫാ നിര്‍മാണത്തിനിടെ കംപ്രസര്‍ പൊട്ടിത്തെറിക്കുകയായിരുന്നു. അപകടത്തില്‍ സരോജിന് ?ഗുരുതരമായി പരിക്കേറ്റു. സരോജിനെ ഉടന്‍ ആശുപത്രിയിലെത്തിച്ചെങ്കിലും ഡോക്ടര്‍മാര്‍ മരണം സ്ഥിരീകരിച്ചു.

ഫാക്ടറിയില്‍ നടന്ന പരിശോധനയില്‍ കംപ്രസര്‍ പൊട്ടിത്തെറിച്ചതാണ് അപകടകാരണമെന്ന് അധികൃതര്‍ പറഞ്ഞു. മറ്റ് തൊഴിലാളികള്‍ക്കാര്‍ക്കും അപകടത്തില്‍ പരിക്കേറ്റിട്ടില്ല.