തിരുവനന്തപുരം: തിരുവനന്തപുരം പേട്ട റെയില്‍വെ സ്റ്റേഷനില്‍ വെച്ച് നടിയോട് അപമര്യാദയായി പെരുമാറിയെന്ന പരാതിയില്‍ റെയില്‍വെ പോര്‍ട്ടര്‍ റിമാന്‍ഡില്‍. പേട്ട റെയില്‍വെ സ്റ്റേഷനിലെ പോര്‍ട്ടര്‍ അരുണാണ് അഴിക്കുള്ളിലായത്.

നടിയായ യുവതിക്ക് ഇക്കഴിഞ്ഞ വ്യാഴാഴ്ചയാണ് പോര്‍ട്ടറില്‍ നിന്ന് മോശം അനുഭവം ഉണ്ടായത്. സംഭവത്തില്‍ യുവതിയുടെ പരാതിയില്‍ ആര്‍പിഎഫ് അന്വേഷണം നടത്തി പോര്‍ട്ടരെ പിടികൂടുകയായിരുന്നു. ഇന്ന് രാവിലെയാണ് പേട്ട പൊലീസ് കേസ് രജിസ്റ്റര്‍ ചെയ്ത് പോര്‍ട്ടറെ അറസ്റ്റ് ചെയ്യുന്നത്. ഷൂട്ടിങ് ആവശ്യത്തിനായി യാത്രക്കായി റെയില്‍വെ സ്റ്റേഷനില്‍ എത്തിയതായിരുന്നു നടി.

ട്രെയിന്‍ കയറുന്നതിനിടെ പോര്‍ട്ടര്‍ അപമര്യാദയായി പെരുമാറിയതെന്നാണ് പരാതി. സംഭവത്തില്‍ ഇയാള്‍ക്കെതിരെ റെയില്‍വെ സസ്‌പെന്‍ഷന്‍ നടപടികളിലേക്കും കടന്നിരുന്നു.

സ്വന്തം ലേഖകൻ