ഇടുക്കി മറയൂര്‍-ചിന്നാര്‍ റോഡില്‍ ഗതാഗതം തടഞ്ഞ് കാട്ടാന; ഒന്നരക്കൊമ്പന്‍ ഭീതി തുടരുന്നു

മറയൂര്‍: ഇടുക്കി മറയൂര്‍-ചിന്നാര്‍ റോഡില്‍ ഗതാഗതം തടഞ്ഞ് കാട്ടാന. ഒന്നരക്കൊമ്പന്‍ എന്ന് വിളി പേരുള്ള കാട്ടാനയാണ് റോഡ് തടഞ്ഞത്. മറയൂര്‍ ചിന്നാര്‍ ഉദുമല്‍പേട്ട റോഡില്‍ അന്തര്‍ സംസ്ഥാന പാതയില്‍ വെള്ളിയാഴ്ച രാത്രിയായിരുന്നു ഒന്നരക്കൊമ്പന്‍ വഴിമുടക്കിയത്. രാത്രി എട്ട് മുതല്‍ പത്ത് വരെയാണ് ഈ പാതയില്‍ മറയൂരിന് സമീപം ജെല്ലിമല ഭാഗത്ത് ഒന്നര കൊമ്പന്‍ കാട്ടാന നാടു റോഡില്‍ നിലയുറപ്പിച്ചത്. ഒന്നര മണിക്കൂറായിരുന്നു പരാക്രമം. പിന്നീട് കാട്ടിലേക്ക് മറഞ്ഞു.