ബലാത്സംഗ കേസില് ഒളിവില് കഴിഞ്ഞത് 11 വര്ഷം; കാസര്ഗോഡ് സ്വദേശി ലഖ്നൗ വിമാനത്താവളത്തില് പിടിയില്
കാസര്ഗോഡ് സ്വദേശി ലഖ്നൗ വിമാനത്താവളത്തില് പിടിയില്
കാസര്കോട്: ബലാത്സംഗ കേസില് 11 വര്ഷം ഒളിവില് കവിഞ്ഞ യുവാവിനെ ലഖ്നൗ വിമാനത്താവളത്തില് പോലീസ് അറസ്റ്റ് ചെയ്തു. ചെമ്മനാട്ടെ അബ്ദുള് ഷഹിലിനെയാണ് (38) വിദ്യാനഗര് പോലീസ് ലഖ്നൗവില് നിന്നും പിടികൂടിയത്. 2014ല് ആലംപാടിയിലെ ഫ്ളാറ്റില് നടന്ന ബലാത്സംഗ കേസില് രണ്ടാം പ്രതിയാണ് ഇയാള്.
തിരിച്ചറിയല് കാര്ഡും മറ്റും തരപ്പെടുത്തി തരാമെന്ന് പറഞ്ഞ് പ്രലോഭിപ്പിച്ച് ഫ്ളാറ്റില് എത്തിച്ച് അതിജീവിതയെ മൂന്നുപേര് ചേര്ന്ന് ബലാത്സംഗം ചെയ്തു. കേസില് രണ്ടാം പ്രതിയായതോടെ ഒളിവില് പോയി. 11 വര്ഷത്തോളം ഗള്ഫിലായിരുന്നു. വിചാരണവേളയില് കോടതിയില് ഹാജരായില്ല.
പ്രതിക്കായി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. നാട്ടിലേക്ക് മടങ്ങാനുള്ള ശ്രമത്തിനിടെയാണ് വിമാനത്താവളത്തില് പോലീസ് പിടിച്ചത്. വിദ്യാനഗര് ഇന്സ്പെക്ടര് കെ.പി. ഷൈനിന്റെ നേതൃത്വത്തില് വിദ്യാനഗര് എസ്ഐ സഫുവാന്, പ്രജിത്ത് എന്നിവരടങ്ങുന്ന സംഘമാണ് പ്രതിയെ പിടിച്ചത്.
