ഓഫീസ് അലമാരകള്‍ കുത്തിത്തുറന്ന് വിഗ്രഹം മോഷ്ടിച്ചു; കുന്നംകുളം കിഴൂര്‍ ദേവി ക്ഷേത്രത്തില്‍ ദേവി വിഗ്രഹം മോഷണം പോയി

തൃശൂര്‍: കുന്നംകുളം കിഴൂര്‍ ദേവി ക്ഷേത്രത്തില്‍ ദേവി വിഗ്രഹം മോഷണം പോയി. ഓഫീസ് അലമാരകള്‍ കുത്തിത്തുറന്നാണ് വിഗ്രഹം മോഷ്ടിച്ചത്.

ശനിയാഴ്ച അര്‍ധരാത്രിയാണ് സംഭവം. ഇന്ന് പുലര്‍ച്ചെ അഞ്ചോടെ ക്ഷേത്രം മാനേജര്‍ ഓഫീസ് തുറന്നപ്പോഴാണ് മോഷണ വിവരം അറിയുന്നത്.

രണ്ട് അലമാരകളും കുത്തിപ്പൊളിച്ച നിലയിലാണ്. പൂരം കഴിഞ്ഞതിനാല്‍ ദേവസ്വം അമ്പലത്തിലെ ഭണ്ഡാര വരവ് എണ്ണി തിട്ടപ്പെടുത്തി കൊണ്ടുപോയിരുന്നു. സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം ആരംഭിച്ചു.