അതിരപ്പള്ളിയില്‍ 75കാരനെ കാട്ടാന ചവിട്ടിക്കൊന്നു; കാട്ടാനക്കൂട്ടം ആക്രമിച്ചത് ചായകുടിക്കാന്‍ വീട്ടില്‍ നിന്നും ഇറങ്ങിയപ്പോള്‍

തൃശൂര്‍: അതിരപ്പിള്ളി പിലാര്‍ മൂഴിയില്‍ 75 കാരനെ കാട്ടാന ചവിട്ടിക്കൊന്നു. പീലാര്‍മുഴി കുടിവെള്ള ടാങ്കിന് സമീപത്തുവെച്ചാണ് സംഭവം. പ്രദേശവാസിയായ തെക്കൂടന്‍ സുബ്രന്‍ ആണ് മരിച്ചത്. ചായ കുടിക്കാനായി വീട്ടില്‍ നിന്നിറങ്ങിയപ്പോഴായിരുന്നു കാട്ടാനക്കൂട്ടം സുബ്രനെ ആക്രമിച്ചത്. തുമ്പിക്കൈ ഇല്ലാത്ത കുട്ടിയാനക്കൊപ്പം എത്തിയ കാട്ടാനക്കൂട്ടമാണ് ആക്രമിച്ചത്. ഏറെ നാളായി പ്രദേശത്ത് രൂക്ഷമായ കാട്ടാന ശല്യമാണ്. ഗുരുതരമായി പരുക്കേറ്റ് വഴിയരികില്‍ കിടന്ന സുബ്രനെ ചായ്പ്പന്‍കുഴി ഫോറസ്റ്റ് സ്റ്റേഷന്റെ വാഹനത്തില്‍ ചാലക്കുടി താലൂക്ക് ആശുപത്രിയില്‍ എത്തിച്ചെങ്കിലും മരിച്ചു.