യുഡിഎഫിന്റെ ജമാഅത്തെ ഇസ്ലാമി ബന്ധവും എല്ഡിഎഫിന്റെ പോപ്പുലര് ഫ്രണ്ട് ബന്ധവും ജനം തിരിച്ചറിയും; എന്ഡിഎക്ക് ശക്തമായ മുന്നേറ്റമുണ്ടാകുമെന്ന് കെ സുരേന്ദ്രന്
കോഴിക്കോട്: തദ്ദേശ തെരഞ്ഞെടുപ്പില് എന്ഡിഎയ്ക്ക് ശക്തമായ മുന്നേറ്റമുണ്ടാകുമെന്ന് മുന് ബിജെപി സംസ്ഥാന അധ്യക്ഷന് കെ സുരേന്ദ്രന്. വോട്ട് ചെയ്തശേഷം മാധ്യമങ്ങളോട് പ്രതികരിക്കുകയായിരുന്നു സുരേന്ദ്രന്. എല്ഡിഎഫും യുഡിഎഫും തീവ്രവാദ ശക്തികളുമായിട്ടാണ് സഖ്യം ഉണ്ടാക്കിയിരിക്കുന്നത്. യുഡിഎഫിന്റെ ജമാഅത്തെ ഇസ്ലാമിയുമായുള്ള ബന്ധവും എല് ഡി എഫിന്റെ പോപ്പുലര് ഫ്രണ്ടുമായുള്ള ബന്ധവും ജനം തിരിച്ചറിയും. തീവ്രവാദ ശക്തികളുമായിട്ടാണ് എല്ഡിഎഫും യുഡിഎഫും സഖ്യം ഉണ്ടാക്കിയിരിക്കുന്നത്.
ശബരിമലയിലെ സ്വര്ണക്കൊള്ളക്കാര്ക്ക് തിരിച്ചടിയാകും ഈ തെരഞ്ഞെടുപ്പ്. സ്വര്ണക്കൊള്ള അന്വേഷണം ഉന്നത കേന്ദ്രങ്ങളിലേക്ക് പോകാത്തതില് ജനങ്ങള്ക്ക് വലിയ അമര്ഷമുണ്ട്. രാഹുല് മാങ്കൂട്ടത്തിലിന് ജാമ്യം കിട്ടിയത് പ്രോസിക്യൂഷന് പരാജയം ആയതുകൊണ്ടാണ്. രാഹുലിനെ സംരക്ഷിക്കാന് കോണ്ഗ്രസ് ആദ്യം മുതല് ശ്രമം നടത്തുന്നുണ്ടെന്നും കെ സുരേന്ദ്രന് പറഞ്ഞു.
തദ്ദേശ തെരഞ്ഞെടുപ്പില് ബിജെപി മികച്ച മുന്നേറ്റമുണ്ടാക്കുമെന്ന് പിഎസ് ശ്രീധരന് പിള്ള പറഞ്ഞു. ഇപ്പോഴുള്ള സീറ്റുകള് ഇരട്ടിയായി വര്ധിപ്പിക്കും. ഇത്തവണ തികഞ്ഞ ആത്മവിശ്വാസത്തോടെയാണ് തെരഞ്ഞെടുപ്പിനെ സമീപിക്കുന്നത്. ബിജെപിക്ക് വിജയ സാധ്യതയുള്ള സ്ഥലങ്ങളില് എല്ഡിഎഫും യുഡിഎഫും ഒന്നിക്കുകയാണ്. വരുന്ന തെരഞ്ഞെടുപ്പുളിലും അതുണ്ടാകുമെന്നും പിഎസ് ശ്രീധരന്പിള്ള പറഞ്ഞു.
