ആലപ്പുഴ: സമൂഹത്തില്‍ വിവാഹേതര ബന്ധങ്ങള്‍ കൂടുന്നു എന്ന്സംസ്ഥാന വനിതാ കമ്മിഷന്‍ അംഗം വി ആര്‍ മഹിളാമണി. കളക്ടറേറ്റിലെ ദേശീയ സമ്പാദ്യഭവന്‍ ഹാളില്‍ സംഘടിപ്പിച്ച വനിതാ കമ്മിഷന്‍ സിറ്റിംഗില്‍ പങ്കെടുത്ത് സംസാരിക്കുകയായിരുന്നു കമ്മീഷന്‍ അംഗം.

സഹോദരങ്ങള്‍ തമ്മിലുള്ള കേസുകള്‍, കുടുംബ പ്രശ്‌നങ്ങള്‍, വിവാഹേതര ബന്ധങ്ങളെത്തുടര്‍ന്നുള്ള പ്രശ്‌നങ്ങള്‍ എന്നീ സ്വഭാവമുള്ള കേസുകള്‍ ആണ് സിറ്റിംഗില്‍ പരിഗണിച്ചത്.

ആകെ ലഭിച്ച 86 പരാതികളില്‍ 22 പരാതികള്‍ തീര്‍പ്പാക്കി. 12 എണ്ണത്തില്‍ പൊലീസ് റിപ്പോര്‍ട്ടും രണ്ടെണ്ണത്തില്‍ ജാഗ്രതാ സമിതി റിപ്പോര്‍ട്ടും തേടി. 50 എണ്ണം അടുത്ത സിറ്റിങ്ങിലേക്ക് മാറ്റി.

അദാലത്തില്‍ വനിത കമ്മീഷന്‍ പാനല്‍ അംഗങ്ങളായ അഡ്വ. ജീന എബ്രഹാം, അഡ്വ. രേഷ്മ ദിലീപ്, കൗണ്‍സലര്‍ ആതിര ഗോപി, ശ്രീപ്രിയ, പൊലീസ് ഉദ്യോഗസ്ഥ മഞ്ജു വി നായര്‍, വനിത സെല്‍ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

വനിതാ കമ്മീഷന്‍ സിറ്റിംഗ്ആലപ്പുഴവനിതാ കമ്മിഷന്‍ അംഗം വി ആര്‍ മഹിളാമണി

സ്വന്തം ലേഖകൻ