കനത്ത പുകമഞ്ഞിനെ തുടര്ന്ന് കാഴ്ച മറഞ്ഞു; ഡല്ഹി-ആഗ്ര യമുന എക്സ്പ്രസ്വേയില് വാഹനങ്ങള് കൂട്ടിയിടിച്ച് തീപിടിച്ച് നാലു പേര് മരിച്ചു
ഡല്ഹി-ആഗ്ര യമുന എക്സ്പ്രസ്വേയില് വാഹനങ്ങള് കൂട്ടിയിടിച്ച് തീപിടിച്ച് നാലു പേര് മരിച്ചു
മഥുര: കനത്ത പുകമഞ്ഞിനെ തുടര്ന്ന് ഡല്ഹി-ആഗ്ര യമുന എക്സ്പ്രസ്വേയില് വാഹനങ്ങള് കൂട്ടിയിടിച്ച് തീപിടിച്ചു. അപകടത്തില് നാലു പേര് മരിച്ചു. 100 പേരെ രക്ഷപ്പെടുത്തി. പരിക്കേറ്റവരെ ആശുപത്രിയില് പ്രവേശിപ്പിച്ചു. മൂന്നു കാറുകളും ഏഴ് ബസുകളും തമ്മില് കൂട്ടിയിടിക്കുകയായിരുന്നു. എക്സ്പ്രസ്വേയിലെ മൈല് സ്റ്റോണ് 127ന് സമീപം കനത്ത പുകമഞ്ഞിനെ തുടര്ന്നാണ് അപകടമുണ്ടായത്.
അപകടത്തിന് പിന്നാലെ എക്സ്പ്രസ്വേയില് വാഹന ഗതാഗതം മണിക്കൂറുകളോളം തടസപ്പെട്ടു. വാഹനത്തിന്റെ അവശിഷ്ടങ്ങള് നീക്കിയ ശേഷമാണ് ഗതാഗതം പുനഃസ്ഥാപിച്ചത്. ഏഴ് ബസുകളില് ഒന്ന് സാധാരണ ബസും ആറെണ്ണം സ്ലീപ്പര് ബസുകളുമാണ്. കൂട്ടിയിടിച്ചതിന് പിന്നാലെ ബസുകള്ക്ക് തീപിടിക്കുകയായിരുന്നു. അഗ്നിശമനസേനയുടെ 11 യൂണിറ്റുകള് എത്തിയാണ് തീ നിയന്ത്രണവിധേയമാക്കിയത്.
കനത്ത മൂടല്മഞ്ഞ്, പുകമഞ്ഞ് എന്നിവ കാരണം കാഴ്ച പരിധി കുറഞ്ഞതിനെ തുടര്ന്ന് ഉത്തര്പ്രദേശിന്റെ വിവിധ ഭാഗങ്ങളില് അപകടങ്ങള് റിപ്പോര്ട്ട് ചെയ്യുന്നുണ്ട്.
