വാണിയംകുളത്ത് പെട്രോള്‍ പമ്പിന് തീവയ്ക്കാന്‍ ശ്രമമെന്ന് ആരോപണം; അന്വേഷണം തുടങ്ങി പോലീസ്

പാലക്കാട്: പാലക്കാട് വാണിയംകുളത്ത് പെട്രോള്‍ പമ്പിന് തീവയ്ക്കാന്‍ ശ്രമമെന്ന് ആരോപണം. കുപ്പിയില്‍ പെട്രോള്‍ വാങ്ങുന്നതുമായി ബന്ധപ്പെട്ടുണ്ടായ തര്‍ക്കത്തിന് പിന്നാലെയാണ് ആക്രമണം നടത്തിയത്. വാണിയംകുളം ടൗണിലെ കെ എം പെട്രോള്‍ പമ്പില്‍ കഴിഞ്ഞദിവസം രാത്രി നടന്ന സംഭവത്തിന്റെ സിസിടിവി ദൃശ്യങ്ങള്‍ പോലീസ് പരിശോധിക്കും. മൂന്നു പേരാണ് അക്രമണം നടത്തിയത്.

രാത്രി പതിനൊന്ന് മണിയോടെ ഓട്ടോറിക്ഷയില്‍ പമ്പിലെത്തിയ സംഘമാണ് കുപ്പിയില്‍ വാങ്ങിയ പെട്രോള്‍ നിലത്ത് ഒഴിച്ച് തീക്കൊളുത്താന്‍ ആവശ്യപ്പെട്ടത്. പമ്പിലെ ജീവനക്കാര്‍ പെട്രോളടിക്കാന്‍ കുപ്പി നല്‍കിയില്ല എന്ന് പറഞ്ഞായിരുന്നു ഇത്. പമ്പ് മാനേജര്‍ ഷൊര്‍ണൂര്‍ ഡിവൈഎസ്പിക്ക് പരാതി നല്‍കിയിട്ടുണ്ട്. പൊലീസ് അന്വേഷണം ആരംഭിച്ചു.