കാർ നിയന്ത്രണം വിട്ട് പോലീസ് ജീപ്പിലിടിച്ചു; വാഹനം തലകീഴായി മറിഞ്ഞു; രണ്ട് പോലീസുകാർക്കും രണ്ട് യാത്രക്കാർക്കും പരിക്ക്; സംഭവം കോഴിക്കോട്

കോഴിക്കോട് : നിയന്ത്രണം വിട്ട കാർ നിയന്ത്രണം വിട്ട് പോലീസ് ജീപ്പിൽ ഇടിച്ച് തലകീഴായി മറിഞ്ഞ് അപകടം. രാമനാട്ടുകരയിലാണ് സംഭവം നടന്നത്. രണ്ട് പോലീസുകാർക്കും രണ്ട് യാത്രക്കാർക്കും പരിക്കേറ്റു. രാമനാട്ടുകര നിസരി ജംഗ്ഷനിൽ വെച്ചാണ് അപകടമുണ്ടായത്. ഇടിയുടെ ആഘാതത്തിൽ കാർ തലകീഴായി മറിഞ്ഞു.സ്ഥലത്ത് പോലീസെത്തി മേൽ നടപടികൾ സ്വീകരിച്ചു.

അതേസമയം, ഇന്നലെയും സമാനമായ രീതിയിൽ ഒരു അപകടമുണ്ടായിരുന്നു. അമിതവേഗത്തിൽ സ്വകാര്യ ബസിനെ മറി കടന്നെത്തിയ കാർ എതിരെ വരികയായിരുന്ന ഓട്ടോറിക്ഷയെ ഇടിക്കുകയായിരുന്നു. കൊല്ലം പുനലൂർ നെല്ലിപ്പള്ളിയിൽ വെച്ചാണ് അപകടമുണ്ടായത്. ഓട്ടോറിക്ഷ ഡ്രൈവർ മരിച്ചിരുന്നു.