കാലിക്കറ്റ് പ്രസ് ക്ലബ്ബ് ജേണലിസം പിജി ഡിപ്ലോമ: ഒന്നും രണ്ടും റാങ്ക് നേടി മുഹമ്മദ് മിഖ്ദാദും ലാല്‍ കുമാറും; എസ്.ആര്‍ ആതിര കൃഷ്ണയ്ക്ക് മൂന്നാം റാങ്ക്
കാലിക്കറ്റ് പ്രസ് ക്ലബ്ബ് ജേണലിസം പിജി ഡിപ്ലോമ: ഒന്നും രണ്ടും റാങ്ക് നേടി മുഹമ്മദ് മിഖ്ദാദും ലാല്‍ കുമാറും
കോഴിക്കോട്: കാലിക്കറ്റ് പ്രസ് ക്ലബ്ബ് ഇന്‍സ്റ്റിറ്റ്യൂട്ട് ഓഫ് കമ്യണിക്കേഷന്‍ ആന്‍ഡ് ജേണലിസം (ഐസിജെ) 2024-25 ബാച്ചിന്റെ പിജി ഡിപ്ലോമ ഫലം പ്രസിദ്ധീകരിച്ചു. 1200ല്‍ 982 മാര്‍ക്ക് നേടിയ മുഹമ്മദ് മിഖ്ദാദിനാണ് ഒന്നാം റാങ്ക്. 964 മാര്‍ക്കോടെ ലാല്‍ കുമാര്‍ രണ്ടാം റാങ്ക് നേടി. 869 മാര്‍ക്ക് നേടിയ എസ്.ആര്‍ ആതിര കൃഷ്ണയ്ക്കാണ് മൂന്നാം റാങ്ക്.
മലപ്പുറം കരുവാരക്കുണ്ട് മാമ്പുഴ സ്വദേശിയായ മുഹമ്മദ് മിഖ്ദാദ് പറവെട്ടി മുഹമ്മദ് ബാഖവിയുടെയും നസീമയുടേയും മകനാണ്. കാസര്‍കോട്ട് ജില്ലയിലെ കുണ്ടംകുഴി സ്വദേശിയായ ലാല്‍കുമാര്‍ ടി. കൊട്ടന്റേയും ലീലാവതിയുടേയും മകനാണ്. സെന്‍ട്രല്‍ യൂണിവേഴ്‌സിറ്റിയില്‍ നിന്ന് മലയാള സാഹിത്യത്തില്‍ ബിരുദാനന്തര ബിരുദം നേടിയിട്ടുണ്ട്.
മൂന്നാം റാങ്ക് ലഭിച്ച ആതിര കൃഷ്ണ തിരുവനന്തപുരം മുതുവിള കട്ടക്കലില്‍ വീട്ടില്‍ പി.ഡി രാധാകൃഷ്ണന്റേയും ഡി.ആര്‍ ഷെര്‍ലിയുടേയും മകളാണ്. ഇംഗ്ലീഷില്‍ ബിരുദാനന്തര ബിരുദധാരിയാണ്.
