റെയില്‍വേ സ്റ്റേഷനിലെ ലഗേജ് ബുക്കിംഗ് വിഭാഗത്തില്‍ ഗുരുതരമായ ക്രമക്കേട്; രണ്ട് റെയില്‍വേ ഉദ്യേഗസ്ഥരെ സര്‍വീസില്‍ നിന്ന് പിരിച്ചുവിട്ടു; നടത്തിയത് ലക്ഷങ്ങള്‍ രൂപയുടെ തട്ടിപ്പ്; സംഭവത്തില്‍ വിജിലന്‍സ് അന്വേഷണം തുടരും
കോഴിക്കോട്: റെയില്‍വേ സ്റ്റേഷനിലെ ലഗേജ് ബുക്കിംഗ് വിഭാഗത്തില്‍ ഗുരുതരമായ ക്രമക്കേടില്‍ ഉള്‌പ്പെട്ടതായി കണ്ടെത്തിയ രണ്ടു റെയില്‍വേ ഉദ്യോഗസ്ഥരെ സര്‍വീസില്‍നിന്ന് പിരിച്ചുവിട്ടു. കോഴിക്കോട്ടെ കൊമേഴ്‌സ്യല്‍ വിഭാഗത്തിലെ ചീഫ് കൊമേഴ്‌സ്യല്‍ ക്ലാര്‍ക്കുമാരായ കെ.എം. ശ്രീജിത്തും ഷിജു ജോണും കുറ്റക്കാരായതെന്നാണ് അന്വേഷണ റിപ്പോര്‍ട്ട് വ്യക്തമാക്കുന്നത്.
ലഗേജ് ബുക്കിംഗിന് ആവശ്യമായ ട്രെയിന്‍ ടിക്കറ്റുകള്‍ യാത്രക്കാര്‍ക്കായി വാങ്ങിയതായി കാണിച്ച ശേഷം അതായത് ബുക്കിങ്ങ് ചെയ്യാതെ തന്നെ റദ്ദാക്കുകയും ഈ പണം തട്ടിയെടുക്കുകയും ചെയ്തിരുന്നു. ടിക്കറ്റില്‍ 'എല്‍.ബി' (ലഗേജ് ബുക്ക്ഡ്) എന്ന അടയാളമില്ലാത്തതിനാല്‍ മറ്റ് പരിചിതര്‍ വഴിയായി ടിക്കറ്റുകള്‍ റദ്ദാക്കുന്നതായിരുന്നു തട്ടിപ്പിന്റെ രീതി.
പാഴ്‌സല്‍ അയക്കുന്നതിന് പകരം യാത്രാനിമിത്തം ലഭിക്കുന്ന സൗകര്യം ഉപയോഗിച്ചായിരുന്നു ക്രമക്കേടുകള്‍. ലക്ഷങ്ങള്‍ രൂപയുടെ തട്ടിപ്പാണെന്നാണ് സൂചന. ഈ സംവിധാനത്തിന്റെ ദുരുപയോഗം നടത്തിയിട്ടുള്ളത് കഴിഞ്ഞ വര്‍ഷം സെപ്റ്റംബര്‍ മുതലായിട്ടാണ്. തുടര്‍ന്നുണ്ടായിരുന്ന അന്വേഷണ സമിതിയുടെ റിപ്പോര്‍ട്ടില്‍ ആരോപണങ്ങള്‍ സ്ഥിരീകരിച്ചതോടെയാണ് നടപടി ശക്തമാക്കിയത്. ചാര്‍ജ് മെമ്മോ നല്‍കിയതിനു പിന്നാലെ അവസാനമായി കഴിഞ്ഞ ദിവസം ഇരുവരെയും സര്‍വീസില്‍നിന്ന് പുറത്താക്കുന്ന ഉത്തരവ് റെയില്‍വേ അധികൃതര്‍ പുറപ്പെടുവിച്ചു. സംഭവത്തില്‍ കൂടുതല്‍ വ്യക്തതയ്ക്കായി വിജിലന്‍സ് അന്വേഷണവും തുടരുന്നതായാണ് റിപ്പോര്‍ട്ടുകള്‍.
