കൊയിലാണ്ടി പൊയില്‍ക്കാവില്‍ ഓടിക്കൊണ്ടിരുന്ന കാറിനു തീ പിടിച്ചു; യാത്രക്കാര്‍ രക്ഷപ്പെട്ടത് തലനാരിഴയ്ക്ക്: തീ അണച്ചത് അഗ്നിരക്ഷാ സേന എത്തി

കോഴിക്കോട്: കണ്ണൂര്‍ റോഡില്‍ കൊയിലാണ്ടി പൊയില്‍ക്കാവിനു സമീപം ഓടിക്കൊണ്ടിരുന്ന കാറിനു തീ പിടിച്ചു കത്തി നശിച്ചു. പുക ഉയരുന്നത് കണ്ട് ഇറങ്ങി ഓടിയതിനാല്‍ കാറിലുണ്ടായിരുന്ന മൂന്നു പേര്‍ പരുക്കേല്‍ക്കാതെ രക്ഷപ്പെട്ടു. ഇന്നലെ രാത്രി പത്തോടെയാണ് സംഭവം. കൊയിലാണ്ടിയില്‍ നിന്ന് അസിസ്റ്റന്റ് സ്റ്റേഷന്‍ ഓഫിസര്‍ എം.മജീദിന്റെ നേതൃത്വത്തില്‍ ഒരു യൂണിറ്റ് സേനാംഗങ്ങളെത്തിയാണ് തീ അണച്ചത്.

ചട്ടിപ്പറമ്പ് തെങ്ങിലക്കണ്ടി നെജിന്‍, പമ്മല്ലൂര്‍ ആലുങ്ങല്‍ നൂറുല്‍ അമീന്‍, കറുത്തോടന്‍ മുഹമ്മദ് സിറാജ് എന്നിവരാണ് കാറിലുണ്ടായിരുന്നത്. മുന്‍പില്‍ നിന്നും തീ ഉയരാന്‍ തുടങ്ങിയതോടെ ഇവര്‍ കാറില്‍ നിന്ന് പുറത്തേക്ക് ഇറങ്ങുകയായിരുന്നു.