പാലക്കാട് വൈദ്യുതി കമ്പിയിൽ നിന്നും ഷോക്കേറ്റ് വയോധികന് ദാരുണാന്ത്യം; അപകടം തോട്ടികെട്ടി പ്ലാവില വലിച്ച് താഴെയിടുന്നതിനിടെ

പാലക്കാട്: പാലക്കാട് ഷോക്കേറ്റ് വയോധികൻ മരിച്ചു. പാലക്കാട് ഒറ്റപ്പാലം സ്വദേശി ഗോപാലനാണ് (60) മരിച്ചത്. ഇന്ന് ഉച്ചയ്ക്ക് രണ്ടു മണിയോടെയാണ് സംഭവം. വീടനടുത്തുള്ള പറമ്പിലായിരുന്നു അപകടം നടന്നത്.

മരിച്ച ഗോപാലൻ വീട്ടിലെ ആടിന് പ്ലാവില ശേഖരിക്കുകയായിരുന്നു. വലിയ തോട്ടി ഉപയോഗിച്ച് പ്ലാവിൽ നിന്നും ഇല താഴേക്ക് വലിച്ചിടുന്നതിനിടെ വൈദ്യുതി കമ്പിയിൽ നിന്നും ഷോക്കേറ്റാണ് അദ്ദേഹം മരിച്ചത്.

ഉടനെ തന്നെ ഷോക്കേറ്റ് തെറിച്ചു വീണു. ശേഷം ആശുപത്രിയിലെത്തിച്ചെങ്കിലും വയോധികന്റെ ജീവൻ രക്ഷിക്കാൻ സാധിച്ചില്ല.