ബാലുശ്ശേരിയില്‍ മകന്‍ അച്ഛനെ വെട്ടിക്കൊന്നു; മകന്‍ കസ്റ്റഡിയില്‍; എട്ടുവര്‍ഷം മുമ്പ് അമ്മയെ കൊന്നത് ലഹരിക്ക് അടിമയായ മറ്റൊരു മകന്‍

കോഴിക്കോട്: ബാലുശ്ശേരി പാനായിയില്‍ മാനസിക രോഗിയായ മകന്‍ അച്ഛനെ വെട്ടിക്കൊന്നു. ചനോറ അശോകനാണ് മരിച്ചത്. പ്രതിയായ മകന്‍ സുബീഷിനെ പോലീസ് കസ്റ്റഡിയിലെടുത്തു.

തിങ്കളാഴ്ച ഉച്ചയോടെയാണ് സംഭവം. വൈകീട്ട് വീട്ടില്‍ ലൈറ്റ് കാണാഞ്ഞതിനെ തുടര്‍ന്ന് അയല്‍വാസി വന്നുനോക്കിയപ്പോഴാണ് രക്തത്തില്‍ കുളിച്ചുകിടക്കുന്ന അശോകനെ കണ്ടത്. മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി.

എട്ടു വര്‍ഷം മുന്‍പ് അശോകന്റെ ഭാര്യയെ മറ്റൊരു മകന്‍ കൊലപ്പെടുത്തിയിരുന്നു. മാനസികാസ്വാസ്ഥ്യം പ്രകടിപ്പിക്കാറുള്ള സുബീഷ് ലഹരി ഉപയോഗിക്കാറുണ്ടായിരുന്നു എന്നാണ് പ്രദേശവാസികള്‍ പറയുന്നത്. നേരത്തെ അമ്മയെ കൊന്ന മകനും ലഹരി ഉപയോഗിക്കുമായിരുന്നു. മൃതദേഹം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി.