പലചരക്കുകടയില്‍ കഞ്ചാവുകലര്‍ന്ന മിഠായി; ഝാര്‍ഖണ്ഡ് സ്വദേശി അറസ്റ്റില്‍

തിരുപ്പൂര്‍: പല്ലടത്ത് പലചരക്കുകടയില്‍ കഞ്ചാവുകലര്‍ന്ന മിഠായി പിടികൂടി. സംഭവത്തില്‍ കടയുടമ ഝാര്‍ഖണ്ഡ് സ്വദേശി ആര്‍. ശിവാനന്ദബോറെയെ (33) പല്ലടം പോലീസ് അറസ്റ്റ് ചെയ്തു. 20 പായ്ക്കറ്റുകളിലായി സൂക്ഷിച്ചിരുന്ന കഞ്ചാവ് കലര്‍ന്ന മിഠായികള്‍ കടയില്‍നിന്ന് പിടിച്ചെടുത്തു.

പല്ലടംപോലീസ് ഇന്‍സ്പെക്ടര്‍ ലെനിന്‍ അപ്പാദുരൈയ്ക്ക് ലഭിച്ച രഹസ്യ വിവരത്തെത്തുടര്‍ന്നാണ് കടയില്‍ പരിശോധന നടത്തിയത്. നാട്ടില്‍നിന്ന് കൊണ്ടുവരുന്ന കഞ്ചാവുകലര്‍ന്ന മിഠായികള്‍ പ്രദേശത്ത് താമസിക്കുന്ന അതിഥി ത്തൊഴിലാളികള്‍ക്കാണ് വിറ്റിരുന്നതെന്ന് പ്രതി മൊഴിനല്‍കിയതായി പോലീസ് പറയുന്നു. മജിസ്ട്രേറ്റിന് മുന്നില്‍ ഹാജരാക്കിയ പ്രതിയെ റിമാന്‍ഡ് ചെയ്തു.