സ്‌നാപ് ചാറ്റ് വഴി പരിചയപ്പെട്ടു; നഗ്നചിത്രങ്ങള്‍ ആവശ്യപ്പെട്ട് നിരവധി പേര്‍ക്ക് അയച്ച് കൊടുത്ത് പണം വാങ്ങി; ടാറ്റു ആര്‍ട്ടിസ്റ്റ് പിടിയില്‍

പാലക്കാട്: പതിനാലുകാരിയുടെ നഗ്നചിത്രങ്ങള്‍ പ്രചരിപ്പിച്ച കേസില്‍ ടാറ്റൂ ആര്‍ട്ടിസ്റ്റ് അറസ്റ്റില്‍. കൊല്ലം സ്വദേശിയായ ബിപിന്‍ ആണ് പാലക്കാട് ടൗണ്‍ സൗത്ത് പൊലീസ് പിടികൂടിയത്.

സ്‌നാപ്ചാറ്റ് വഴി പരിചയപ്പെട്ട പെണ്‍കുട്ടിയുടെ നഗ്നചിത്രങ്ങള്‍ നിരവധി പേര്‍ക്ക് അയച്ച് പണം കൈപ്പറ്റിയെന്നാണ് പൊലീസ് കണ്ടെത്തിയത്. തെളിവുകളുടെ അടിസ്ഥാനത്തില്‍ ഇയാളെ അറസ്റ്റ് ചെയ്ത് കോടതിയില്‍ ഹാജരാക്കി.

കോഴിക്കോട്ടെ സമാന കേസില്‍ മുമ്പും ബിപിന്‍ ജയില്‍ ശിക്ഷ അനുഭവിച്ചിട്ടുണ്ടെന്ന് പൊലീസ് അറിയിച്ചു. കൂടുതല്‍ പരാതികള്‍ വരാനിടയുണ്ടെന്നും അന്വേഷണം വ്യാപിപ്പിച്ചിട്ടുണ്ടെന്നും പൊലീസ് കൂട്ടിച്ചേര്‍ത്തു.