കണ്ടിട്ട് ചങ്ക്..പൊടിയുന്നു..! ആറ്റുനോറ്റ് വാങ്ങിച്ചിട്ട് വെറും മൂന്ന് ദിവസം മാത്രമേ ആയിട്ടുള്ളു; ഓടിച്ച് കൊതി തീരും മുമ്പേ ആ കാഴ്ച; പുത്തൻ 'മഹീന്ദ്ര ഥാർ' കത്തി ചാമ്പലായി; ഒഴിവായത് വൻ അപകടം

പാലക്കാട്: കോഴിക്കോട് - പാലക്കാട് ദേശീയപാതയിൽ കരിങ്കല്ലത്താണിയിൽ ഓടിക്കൊണ്ടിരുന്ന പുതിയ മഹീന്ദ്ര ഥാർ ജീപ്പ് പൊടുന്നനെ തീപിടിച്ച് പൂർണ്ണമായും നശിച്ചു. വാങ്ങിയ ശേഷം മൂന്ന് ദിവസങ്ങൾ മാത്രം പിന്നിട്ട വാഹനമാണ് അഗ്നിക്കിരയായത്.

ഇന്ന് (ഡിസംബർ 6) വൈകീട്ട് 4.30 ഓടെയായിരുന്നു സംഭവം. മണ്ണാർക്കാട് സ്വദേശി മൂന്ന് ദിവസം മുൻപ് മാത്രം നിരത്തിലിറക്കിയ പുത്തൻ ഥാർ ജീപ്പാണ് കത്തിയത്.

വാഹനം കത്തുന്ന സമയത്ത് ഡ്രൈവർ ഉൾപ്പെടെ രണ്ടുപേർ ജീപ്പിലുണ്ടായിരുന്നു. എന്നാൽ തീ പടരുന്നത് കണ്ടയുടൻ ഇരുവരും സമയോചിതമായി ചാടിയിറങ്ങി. അതുകൊണ്ട് അവർക്ക് പരിക്കേൽക്കാതെ രക്ഷപ്പെടാൻ സാധിച്ചു.

തീ അണയ്ക്കാൻ ശ്രമങ്ങൾ നടത്തിയെങ്കിലും വാഹനം പൂർണ്ണമായും കത്തി നശിച്ചു. തീപിടിത്തത്തിന്റെ കാരണം വ്യക്തമല്ല. ഷോർട്ട് സർക്യൂട്ടോ മറ്റോ ആകാം അപകടത്തിന് കാരണമായതെന്നാണ് പ്രാഥമിക നിഗമനം.