വയോധികനെ കാണാനില്ലെന്ന് പരാതി; പോലീസിന്റെ അന്വേഷണം നടക്കവേ മൃതദേഹം ജീർണ്ണിച്ച നിലയിൽ കണ്ടെത്തി; സംഭവം കോഴിക്കോട്

കോഴിക്കോട്: കോഴിക്കോട് പേരാമ്പ്ര നൊച്ചാട് നാലു ദിവസമായി കാണാതായ ആളുടെ മൃതദേഹം കണ്ടെത്തി. വീടിനു സമീപത്തെ വിറകുപുരയിൽ ജീർണ്ണിച്ച നിലയിലാണ് മൃതദേഹം കണ്ടെത്തിയത്. കൂടത്തിങ്കല്‍ മീത്തല്‍ രാജീവന്റെ മൃതദേഹമാണ് മുളിയങ്ങലില്‍ വീടിനു സമീപത്തെ ഷെഡില്‍ കണ്ടെത്തിയത്.

നാലുദിവസമായി ഇയാളെ കാണാനില്ലായിരുന്നു. തുടർന്ന് ബന്ധുക്കള്‍ പേരാമ്പ്ര പോലീസില്‍ പരാതി നല്‍കിയിരുന്നു. അന്വേഷണം പുരോഗമിക്കവെയാണ് വീടിനു സമീപത്തെ വിറകിടുന്ന ഷെഡില്‍ മരിച്ച നിലയില്‍ കണ്ടെത്തിയത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.