കാ‌ർ നിയന്ത്രണം വിട്ട് പുഴയിലേക്ക് മറി‌‌ഞ്ഞു; അപകടം വളവ് തിരിയുന്നതിനിടെ; കാറിലുണ്ടായിരുന്നവർ നിസ്സാര പരിക്കുകളോടെ രക്ഷപ്പെട്ടു; സംഭവം മലപ്പുറം പൊന്നാനിയിൽ

മലപ്പുറം: മലപ്പുറം പൊന്നാനിയിൽ കാ‌ർ നിയന്ത്രണം വിട്ട് പുഴയിലേക്ക് മറി‌‌ഞ്ഞു. പൊന്നാനി കർമ്മ റോഡിൽ ഇന്ന് ഉച്ചയോടെയാണ് അപകടമുണ്ടായത്. വളവ് തിരിയുന്നതിനിടെ കാർ നിയന്ത്രണം വിട്ട് പുഴയിലേക്ക് മറിയുകയായിരുന്നു. കാറിലുണ്ടായിരുന്നവർക്ക് സാരമായ പരിക്കുകളില്ല.

അതേസമയം സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു. കാർ വരുന്നതും പുഴയിലേക്ക് മറിയുന്നതും ദൃശ്യങ്ങളിൽ കാണാം. ഉടനെ തന്നെ പോലീസും ഫയർഫോഴ്സുമുൾപ്പെടെ സ്ഥലത്തെത്തി രക്ഷാപ്രവർത്തനം നടത്തി. കാർ പുഴയിൽ നിന്ന് ക്രെയിൻ ഉപയോ​ഗിച്ച് ഉയർത്തുകയും ചെയ്തു. അതേസമയം, കാറിലുണ്ടായിരുന്ന വേങ്ങര സ്വദേശികൾ നിസ്സാര പരിക്കുകളോടെ രക്ഷപ്പെട്ടതായാണ് വിവരം.