'മച്ചാനെ ട്രിപ്പ് ഓൺ അല്ലെ..'; രഹസ്യ വിവരം കിട്ടിയതും നോക്കിനിന്നു; പാട്ടൊക്കെയിട്ട് വൈബ്ബായി ടൂറിസ്റ്റ് ബസ് എത്തിയതും പിടിച്ചുനിർത്തി പരിശോധിച്ചു; മൂന്ന് കോളേജ് വിദ്യാർത്ഥികൾ കഞ്ചാവുമായി പിടിയിൽ

കൊല്ലം: കൊല്ലത്ത് വിനോദയാത്ര പോയ ടൂറിസ്റ്റ് ബസിൽ നിന്ന് കഞ്ചാവുമായി വിദ്യാർത്ഥികളെ പിടികൂടി. നഗരത്തിലെ കോളജിൽ നിന്ന് വയനാട്ടിലേക്ക് യാത്ര പുറപ്പെട്ട സംഘത്തിലെ മൂന്ന് പേരെയാണ് വെസ്റ്റ് പോലീസ് അറസ്റ്റ് ചെയ്തത്. ബിരുദ വിദ്യാർത്ഥികളാണ് പിടിയിലായത്.

നീരാവിൽ സ്വദേശികളായ ശബരിനാഥ് (21), ആരോമൽ (21), പെരുമൺ സ്വദേശി സിദ്ദി (20) എന്നിവരാണ് പ്രതികൾ. 48 ഗ്രാം കഞ്ചാവാണ് ഇവരിൽ നിന്ന് കണ്ടെടുത്തത്. പോലീസിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ ബസ് തടഞ്ഞ് നടത്തി നടത്തിയ പരിശോധനയിലാണ് കഞ്ചാവ് പിടിച്ചെടുത്തത്. പ്രതികളിൽ ഒരാളെ മുമ്പും കഞ്ചാവുമായി പിടികൂടിയിട്ടുണ്ടെന്ന് പോലീസ് അറിയിച്ചു.