ദുർഗന്ധം മൂലം പൊറുതിമുട്ടി വഴിയാത്രക്കാർ; വിദ്യഭ്യാസ സ്ഥാപനങ്ങൾക്ക് മുന്നിൽ ശുചിമുറി മാലിന്യം തള്ളി; ഒടുവിൽ സഹികെട്ട് നാട്ടുകാർ ചെയ്തത്

താമരശ്ശേരി: കോഴിക്കോട് താമരശ്ശേരിയിൽ വിദ്യാഭ്യാസ സ്ഥാപനങ്ങൾക്ക് മുന്നിൽ ശുചിമുറി മാലിന്യം തള്ളിയതോടെ പ്രദേശവാസികൾ ദുർഗന്ധം സഹിക്കവയ്യാതെ പൊറുതിമുട്ടി. കോരങ്ങാട് വൊക്കേഷണൽ ഹയർ സെക്കന്ററി സ്കൂൾ, ഐഎച്ച്ആർടി, ഗവ. എൽ.പി. സ്കൂൾ എന്നിവിടങ്ങൾക്ക് മുന്നിലാണ് പുലർച്ചെ ടാങ്കർ ലോറിയിലെത്തിച്ച് മാലിന്യം തള്ളിയത്.

മാലിന്യം തള്ളാനെത്തിയവരെ നാട്ടുകാർ ചോദ്യം ചെയ്തപ്പോൾ ലോറി ഇടിച്ചുതെറിപ്പിക്കാൻ ശ്രമിച്ചതായും പരാതിയുണ്ട്. തുടർച്ചയായി അഞ്ചാം തവണയാണ് ഈ ഭാഗത്ത് ഇത്തരത്തിൽ മാലിന്യം തള്ളുന്നത്. ജനവാസ കേന്ദ്രങ്ങൾക്കും വിദ്യാഭ്യാസ സ്ഥാപനങ്ങൾക്കും സമീപം മാലിന്യം നിക്ഷേപിക്കുന്നത് ആരോഗ്യ പ്രശ്നങ്ങൾക്ക് വഴിവെക്കുമെന്ന ആശങ്കയിലാണ് നാട്ടുകാർ.