ട്രെയിനിൽ ഓടിക്കയറാൻ ശ്രമിക്കവേ അപകടം; കാൽ വഴുതി നേരെ ട്രെയിനിന് അടിയിൽ വീണു; ശരീരത്തിലൂടെ കയറിയിറങ്ങി; മലയാളി സ്റ്റേഷൻമാസ്റ്റർക്ക് ദാരുണാന്ത്യം

ചെന്നൈ: ട്രെയിനിൽ ഓടിക്കയറാൻ ശ്രമിക്കവേ അപകടം. മലയാളി സ്റ്റേഷൻമാസ്റ്റർക്ക് ദാരുണാന്ത്യം. ട്രെയിനിന് അടിയിൽ പെട്ട് അതിദാരുണമായി മരിക്കുകയായിരുന്നു. അപകടത്തിൽ മലയാളി സ്റ്റേഷൻമാസ്റ്ററാണ് മരിച്ചത്. തിരുവനന്തപുരം കീഴാരൂർ സ്വദേശി അനു ശേഖർ (31) ആണ്‌ അപകടത്തിൽ മരിച്ചത്.

മധുര കല്ലിഗുഡി സ്റ്റേഷനിലെ സ്റ്റേഷൻമാസ്റ്ററായിരുന്നു. ചെങ്കോട്ട - ഈറോഡ് ട്രെയിനിൽ ഓടിക്കയറാൻ ശ്രമിക്കുമ്പോഴാണ് അപകടം ഉണ്ടായത്. കാൽവഴുതി ട്രെയിനിന് അടിയിലേക്ക് വീഴുകയായിരുന്നു.

സ്റ്റേഷനിലുള്ളവർ രക്ഷിക്കാൻ ശ്രമിച്ചെങ്കിലും സംഭവ സ്ഥലത്തുവെച്ചുതന്നെ യുവാവ് മരിക്കുകയായിരുന്നു. മൃതദേഹം ആശുപത്രിയിലേക്ക് മാറ്റിയിട്ടുണ്ട്. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.