വീണ്ടും ജീവനെടുത്ത് ട്രെയിൻ അപകടം; താനൂരിൽ ജനശതാബ്ദി എക്സ്പ്രസ് തട്ടി യുവാവ് മരിച്ചു; അപകടം ട്രാക്കിലൂടെ നടന്നു പോകുന്നതിനിടെ

മലപ്പുറം: ഇന്ന് ഉച്ചയ്ക്കാണ് പാലക്കാട് കേരള എക്സ്പ്രസ് ട്രെയിൻ തട്ടി നാല് ശുചീകരണ തൊഴിലാളികള്‍ അതിദാരുണമായി മരിച്ചത്. അതിന്റെ ഞെട്ടൽ മാറും മുൻപ് സംസ്ഥാനത്ത് വീണ്ടും ട്രെയിൻ തട്ടി യുവാവ് മരിച്ചു. മലപ്പുറം താനൂര്‍ മുക്കോലയിലാണ് ട്രെയിൻ തട്ടി യുവാവ് മരിച്ചത്. താനൂർ പരിയാപുരം സ്വദേശി ഷിജിൽ (29 ) ആണ് മരിച്ചത്.

ഇന്ന് ഉച്ചയ്ക്കുശേഷമാണ് അപകടം നടന്നത്. കോഴിക്കോട് നിന്നും പുറപ്പെട്ട ജനശതാബ്ദി എക്സ്പ്രസ് ട്രെയിൻ തട്ടിയാണ് ഷിജിൽ മരിച്ചത്. താനൂര്‍ മുക്കോലയിൽ വെച്ചാണ് അപകടം സംഭവിച്ചത്.

ട്രാക്കിലൂടെ നടന്ന് പോകുന്നതിനിടെ ഷിജിലിനെ ട്രെയിൻ ഇടിച്ചുതെറിപ്പിക്കുകയായിരുന്നു. സംഭവത്തെ തുടര്‍ന്ന് പോലീസ് സ്ഥലത്തെത്തി തുടര്‍ നടപടികള്‍ സ്വീകരിച്ചു.