യാത്രിയോം..കൃപയാ ധ്യാൻ ദിജിയെ..; നവരാത്രിക്ക് പ്രത്യേക ട്രെയിൻ; തിരുവനന്തപുരം നോർത്ത് - ചെന്നൈ എഗ്മോർ സർവീസ് പ്രഖ്യാപിച്ചു
ചെന്നൈ: പൂജ ആഘോഷവേളയോടനുബന്ധിച്ച് യാത്രക്കാരുടെ തിരക്ക് നിയന്ത്രിക്കുന്നതിനും സൗകര്യം ഉറപ്പാക്കുന്നതിനും ദക്ഷിണ റെയിൽവേ രണ്ട് പ്രത്യേക തീവണ്ടികൾ പ്രഖ്യാപിച്ചു. ചെന്നൈ എഗ്മോർ-തിരുവനന്തപുരം നോർത്ത് റൂട്ടിലാണ് ഈ സർവീസുകൾ.
ട്രെയിൻ നമ്പർ 06075 ചെന്നൈ എഗ്മോറിൽ നിന്ന് തിരുവനന്തപുരം നോർട്ട് ഭാഗത്തേക്കുള്ള സർവീസ് സെപ്റ്റംബർ 30, ചൊവ്വാഴ്ച രാത്രി 22:15-ന് പുറപ്പെട്ട് അടുത്ത ദിവസം ഉച്ചയ്ക്ക് 02:05-ന് തിരുവനന്തപുരത്തെത്തും. പെരമ്പൂർ, തിരുവള്ളൂർ, അരക്കോണം ജംഗ്ഷൻ, കാട്പാടി ജംഗ്ഷൻ, ജോലാർപേട്ടൈ ജംഗ്ഷൻ, സേലം ജംഗ്ഷൻ, ഈറോഡ് ജംഗ്ഷൻ, തിരുപ്പൂർ, പോടന്നൂർ എന്നിവിടങ്ങളിൽ ഈ ട്രെയിനിന് സ്റ്റോപ്പുണ്ട്.
മടക്ക സർവീസ് ട്രെയിൻ നമ്പർ 06076, ഒക്ടോബർ 5, ഞായറാഴ്ച വൈകുന്നേരം 16:30-ന് തിരുവനന്തപുരം നോർത്തിൽ നിന്ന് പുറപ്പെട്ട് അടുത്ത ദിവസം രാവിലെ 10:30-ന് ചെന്നൈ എഗ്മോറിൽ എത്തിച്ചേരും. പോടന്നൂർ, തിരുപ്പൂർ, ഈറോഡ് ജംഗ്ഷൻ, സേലം ജംഗ്ഷൻ, ജോലാർപേട്ടൈ ജംഗ്ഷൻ, കാട്പാടി ജംഗ്ഷൻ, അരക്കോണം ജംഗ്ഷൻ, തിരുവള്ളൂർ, പെരമ്പൂർ എന്നിവിടങ്ങളിൽ ഇതിനും സ്റ്റോപ്പുണ്ടാകും. ഈ സർവീസ് ഒരു സർവീസ് മാത്രമായി പരിമിതപ്പെടുത്തിയിരിക്കുന്നു.
ഈ പ്രത്യേക തീവണ്ടികളിൽ രണ്ട് 2-ടയർ എസി കോച്ചുകൾ, മൂന്ന് 3-ടയർ എസി കോച്ചുകൾ, എട്ട് സ്ലീപ്പർ കോച്ചുകൾ, അഞ്ച് സെക്കൻഡ് ക്ലാസ് ജനറൽ കോച്ചുകൾ, രണ്ട് സെക്കൻഡ് ക്ലാസ് (ഭിന്നശേഷിക്കാർക്കായി) കോച്ചുകൾ എന്നിവ ഉൾക്കൊള്ളുന്നു.
