രഹസ്യ വിവരത്തെത്തുടർന്ന് മിന്നൽ റെയ്ഡ്; തിരുവനന്തപുരം മണക്കാട് നിന്നും പിടികൂടിയത് 13 കിലോ കഞ്ചാവ്; രണ്ടുപേർ അറസ്റ്റിൽ; വലയിൽ കുടുക്കി എക്സൈസ്

തിരുവനന്തപുരം: തിരുവനന്തപുരം മണക്കാട് നിന്നും 13 കിലോ കഞ്ചാവുമായി രണ്ട് പേർ അറസ്റ്റിൽ. ശ്രീവരാഹം സ്വദേശികളായ മധുവും, സതിയുമാണ് അറസ്റ്റിലായത്. സതിയുടെ വീട്ടിലേക്ക് കഞ്ചാവ് കൊണ്ട് പോകുന്നതിനിടെയാണ് ഇവർ പിടിയിലായത്.

മധുവാണ് ബംഗളൂരിൽ നിന്നും കഞ്ചാവ് എത്തിച്ചതെന്നാണ് വിവരം. സ്റ്റേറ്റ് എക്സൈസ് എൻഫോഴ്സ്മെൻ്റ് സ്ക്വാഡിന് ലഭിച്ച രഹസ്യ വിവരത്തെത്തുടർന്നു നടത്തിയ അന്വേഷണത്തിലാണ് ഇവർ വലയിൽ കുടങ്ങിയത്.