കൊച്ചി നേവൽ ബേസിൽ നിന്ന് ​ഗോവയ്ക്ക് സ്പെഷ്യൽ ഡ്യൂട്ടി; ജോലി കഴിഞ്ഞ് ക്യാമ്പിലേക്ക് മടങ്ങുന്നതിനിടെ ജീവനെടുത്ത് അപകടം; രണ്ട് മലയാളി അ​ഗ്നിവീർ സേനാം​ഗങ്ങൾക്ക് ദാരുണാന്ത്യം; കണ്ണീരോടെ കുടുംബം

കൊല്ലം: ​ഗോവയിൽ നടന്ന ബൈക്ക് അപകടത്തിൽ രണ്ട് മലയാളി അ​ഗ്നിവീർ സേനാം​ഗങ്ങൾ മരിച്ചു. ഗോവയിലെ അ​ഗസ്സൈമിൽ പുലർച്ചെയാണ് അപകടം നടന്നത്. ശൂരനാട് സ്വദേശി ഹരി​ഗോവിന്ദ്, കണ്ണൂർ സ്വദേശി വിഷ്ണു എന്നിവരാണ് മരിച്ചത്.

കൊച്ചിയിലെ നാവികസേനാ ആസ്ഥാനത്ത് നിന്ന് ​ഗോവയിൽ സ്പെഷ്യൽ ഡ്യൂട്ടിയിലായിരുന്ന ഇരുവരും ജോലി കഴിഞ്ഞ് ബേസ് ക്യാമ്പിലേക്ക് മടങ്ങുന്നതിനിടെയാണ് അപകടം ഉണ്ടായത്. അ​​ഗസയിമിനും ബാംബോലി ഹോളിക്രോസ് പള്ളിക്കും ഇടയിലായിരുന്നു അപകടം.

അ​ഗ്നിവീർ സേനാം​ഗങ്ങൾ സഞ്ചരിച്ചിരുന്ന ബൈക്ക് നിയന്ത്രണംവിട്ട് പാതയോരത്തെ ഡിവൈഡറിൽ ഇടിക്കുകയായിരുന്നു. ഇരുവരും സ്ഥലത്തുവച്ചുതന്നെ മരിച്ചുവെന്നാണ് വിവരം. മൃതദേ​​ഹം ​ഗോവ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്.