മലപ്പുറം: വിവാഹ വിരുന്ന് കഴിഞ്ഞ് മടങ്ങവേ ഭർത്താവിനെ പെരുവഴിയിലാക്കി മുങ്ങിയ യുവതിയെ കണ്ടെത്തിയത് കാമുകന്റെ വീട്ടിൽ നിന്ന്. ഭർത്താവിനോടൊപ്പം കാറിൽ യാത്ര ചെയ്യവെയാണ് സംഭവം. വ്യാഴാഴ്ചയാണ് യുവതിയുടെ വിവാഹം കഴിഞ്ഞത്. വെള്ളിയാഴ്ച വിരുന്ന് കഴിഞ്ഞ് ഭർത്താവിന്റെ വീട്ടിലേക്ക് പോകുന്ന വഴിയിൽ യുവതി മുങ്ങുകയായിരുന്നു. തുടർന്ന് പോലീസ് നടത്തിയ അന്വേഷണത്തിലാണ് യുവതിയെ ആൺ സുഹൃത്തിനൊപ്പം കണ്ടെത്തിയത്.

വെള്ളിയാഴ്ച വിരുന്നു കഴിഞ്ഞ് ഇരുവരും ഭർത്താവിന്റെ വീട്ടിലേക്ക് പോകുന്നതിനിടെ പുത്തരിക്കലിൽ എത്തിയപ്പോൾ സുഹൃത്തിനെകാണാൻ വധുവായ 21കാരി കാർ നിർത്താൻ ആവശ്യ​പ്പെടുകയായിരുന്നു. കാർ നിർത്തി പുറത്തിറങ്ങിയ യുവതി ഏറെ നേരം കാത്തുനിന്നിട്ടും തിരിച്ചുവന്നില്ല. ഇവിടെ എത്തിയ കാമുകനോടൊപ്പം ഒളിച്ചോടുകയായിരുന്നു.

എന്നാൽ എന്താണ് സംഭവിച്ചതെന്നറിയാതെ ഭർത്താവ് പോലീസിനെ വിവരമറിയിക്കുകയായായിരുന്നു. പരാതി ലഭിച്ചതോടെ പോലീസ് നടത്തിയ അന്വേഷണത്തിൽ താനൂർ സ്വദേശിയായ ആൺ സുഹൃത്തിൻ്റെ വീട്ടിൽ നിന്നും യുവതിയെ കണ്ടെത്തി കോടതിയിൽ ഹാജരാക്കി. യുവതിയുടെ ആവശ്യം പരിഗണിച്ച കോടതി ആൺ സുഹൃത്തിനോടൊപ്പം ജീവിക്കാൻ അനുവദിച്ചു.

മലപ്പുറംവിവാഹംയുവതി

സ്വന്തം ലേഖകൻ