കാറിന്റെ അടിയിൽ കാട്ടുപന്നി കുടുങ്ങി; പുറത്തിറങ്ങാൻ പറ്റാതെ മണിക്കൂറുകൾ പെട്ട അവസ്ഥയിൽ കുടുംബം; ഒടുവിൽ രക്ഷപ്പെട്ടത് ഇങ്ങനെ

കോഴിക്കോട്: കാറിനടിയിൽ കാട്ടുപന്നി കുടുങ്ങിയതിനെത്തുടർന്ന് കൊടുവള്ളി സ്വദേശികളായ ഒരു കുടുംബം ഒരു മണിക്കൂറോളം വാഹനത്തിനുള്ളിൽ കുടുങ്ങി. നാദാപുരം-പെരിങ്ങത്തൂർ ചേറ്റു വെട്ടിയിൽ കഴിഞ്ഞ ദിവസമാണ് സംഭവം. പോലീസും നാട്ടുകാരും ഫയർഫോഴ്സും വനം വകുപ്പ് ഉദ്യോഗസ്ഥരും സംയുക്തമായി നടത്തിയ രക്ഷാപ്രവർത്തനത്തിനൊടുവിൽ കുടുംബത്തെ സുരക്ഷിതമായി പുറത്തെത്തിച്ചു.

റോഡ് മുറിച്ചുകടക്കുകയായിരുന്ന പന്നിക്കൂട്ടം കാറിന് സമീപമെത്തിയപ്പോഴാണ് അപകടമുണ്ടായത്. ഒരു കാട്ടുപന്നി വാഹനത്തിന്റെ അടിയിൽ കുടുങ്ങിയതോടെ, കാറിലുണ്ടായിരുന്നവർക്ക് പുറത്തിറങ്ങാൻ സാധിക്കാതെ വരികയായിരുന്നു. വിവരമറിഞ്ഞയുടൻ സ്ഥലത്തെത്തിയ രക്ഷാപ്രവർത്തകർ മണിക്കൂറുകൾ നീണ്ട പരിശ്രമത്തിനൊടുവിലാണ് പന്നിയെ കാറിനടിയിൽ നിന്ന് മാറ്റുകയും കുടുംബത്തെ മോചിപ്പിക്കുകയും ചെയ്തത്.