രാത്രിയില്‍ ഉപേക്ഷിക്കപ്പെട്ട സെപ്റ്റിക് ടാങ്കില്‍ വീണു; മൂത്തേടത്ത് നാട്ടുകാരെ ഭയപ്പെടുത്തിയ കാട്ടാന കസേരക്കൊമ്പന്‍ ചരിഞ്ഞു

മലപ്പുറം: നാട്ടുക്കാരെ വിറപ്പിച്ചുകൊണ്ടിരുന്ന കസേരക്കൊമ്പന്‍ ചരിഞ്ഞു. നിലമ്പൂരില്‍ സെപ്റ്റിക് ടാങ്കില്‍ വീണാണ് കൊമ്പന്‍ ചരിഞ്ഞത്. വള്ളുവശ്ശേരിയിലെ മൂത്തേടം എന്ന ഗ്രാമത്തില്‍ ഉപേക്ഷിക്കപ്പെട്ട സെപ്റ്റിക് ടാങ്കിലാണ് ആനയെ ചരിഞ്ഞ നിലയില്‍ കണ്ടെത്തിയത്. പടുക്ക സ്റ്റേഷന്‍ പരിധിയിലെ ന്യൂ അമരമ്പലം റിസര്‍വ് വനമേഖലയില്‍ നിന്നും 20 മീറ്റര്‍ അകലെയാണ് ഈ സ്ഥലം.

കാടിറങ്ങിയ കസേരക്കൊമ്പന്‍ ഖാദര്‍ എന്ന വ്യക്തിയുടെ സ്ഥലത്ത് ഉപേക്ഷിക്കപ്പെട്ട സെപ്റ്റിക് ടാങ്കില്‍ വീഴുകയായിരുന്നു. ആനയുടെ കരച്ചില്‍ കേട്ട് ഓടിയെത്തിയ നാട്ടുകാരാണ് വനം വകുപ്പ് അധികൃതരെ വിവരം അറിയിച്ചത്. വിവരമറിഞ്ഞ് വനം വകുപ്പ് ഉദ്യോഗസ്ഥര്‍ സ്ഥലത്തെത്തി.