പാലക്കാട് കാർ മരത്തിലിടിച്ച് താഴ്ചയിലേക്ക് മറിഞ്ഞ് അപകടം; യുവതിക്ക് ദാരുണാന്ത്യം

പാലക്കാട്: പട്ടാമ്പി - പുലാമന്തോൾ പാതയില്‍ പുതിയ റോഡിൽ കാർ താഴ്ചയിലേക്ക് മറിഞ്ഞ് ഉണ്ടായ അപകടത്തിൽ യുവതിക്ക് ദാരുണാന്ത്യം. അപകടത്തിൽ ചങ്ങരംകുളം കോക്കൂർ മാളിയേക്കൽ സജ്ന (43) യാണ് മരിച്ചത്. ഉച്ചയോടെ പുതിയ റോഡിലായിരുന്നു അപകടമുണ്ടായത്.

പെരിന്തൽമണ്ണ ഭാഗത്തുനിന്ന് വന്ന കാര്‍ ആണ് മരത്തിലിടിച്ചു താഴ്ചയിലേക്ക് മറിഞ്ഞത്. അപകടത്തിൽ പരിക്കേറ്റവരെ ഉടന്‍ തന്നെ നാട്ടുകാര്‍ ചേര്‍ന്ന് ആശുപത്രിയില്‍ എത്തിച്ചെങ്കിലും യുവതി മരിച്ചതായി ആശുപത്രി അതികൃതർ സ്ഥിരീകരിച്ചു. കൂടാതെ, അപകടത്തില്‍ പരുക്കേറ്റ ഇവരുടെ ഭര്‍ത്താവ് അഷ്റഫ്, ഉമ്മ ആയിഷ എന്നിവരെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.