പെരുമ്പാവൂരിൽ യുവാവിനെ മരത്തിൽ തൂങ്ങിമരിച്ച നിലയിൽ കണ്ടെത്തി; അന്യസംസ്ഥാനത്തൊഴിലാളിയെന്ന് സംശയം; അന്വേഷണം തുടങ്ങി

കൊച്ചി: യുവാവിനെ മരത്തിൽ തൂങ്ങിമരിച്ച നിലയിൽ കണ്ടെത്തി.പെരുമ്പാവൂർ താന്നിപ്പുഴയിലാണ് സംഭവം നടന്നത്. താന്നിപ്പുഴ സ്കൂളിന് സമീപം സ്വകാര്യ വ്യക്തിയുടെ പുരയിടത്തിലാണ് യുവാവിനെ തൂങ്ങി മരിച്ച നിലയിൽ കണ്ടെത്തിയത്. കഴുത്തിൽ തുണി ചുറ്റി മരക്കൊമ്പിൽ തൂങ്ങിയ നിലയിലാണ് മൃതദേഹം കണ്ടെത്തിയത്.

മൃതദേഹത്തിന്റെ കാൽമുട്ടുകൾ രണ്ടും നിലത്ത് മുട്ടിയ നിലിയിലായിരുന്നു. മരിച്ചത് അന്യസംസ്ഥാന തൊഴിലാളിയെന്നും പോലീസ് സംശയിക്കുന്നു. സംഭവത്തിൽ ദുരൂഹത ഉണ്ടെന്നും ചിലർ പറയുന്നു. സംഭവത്തിൽ പോലീസ് അന്വേഷണം ആരംഭിച്ചു.