ചിറയിന്‍കീഴില്‍ യുവാവിനെ സുഹൃത്ത് കുത്തി കൊന്നു; പ്രതിക്കായി തിരച്ചില്‍ തുടങ്ങി

തിരുവനന്തപുരം: ചിറയിന്‍കീഴില്‍ യുവാവിനെ സുഹൃത്ത് കുത്തിക്കൊന്നു. ചിറയിന്‍കീഴ് ആനത്തലവട്ടം സ്വദേശി വിഷ്ണു (26) ആണ് കൊല്ലപ്പെട്ടത്. പ്രതി ജയനു വേണ്ടി പൊലീസ് തിരച്ചില്‍ ആരംഭിച്ചു.

ചിറയിന്‍കീഴ് പുളിമൂട്ട് കടവിനു സമീപത്തായിരുന്നു സംഭവം. കുത്തേറ്റ ഉടന്‍ യുവാവിനെ മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.