കല്യാണം കഴിഞ്ഞിട്ട് വെറും രണ്ടരമാസം മാത്രമേ...ആയിട്ടുള്ളൂ; തന്റെ പ്രിയതമയുമായി ജീവിച്ചു തുടങ്ങിയ നാളുകൾ; പ്രവാസ ലോകത്തേക്ക് വീണ്ടും മടങ്ങും മുൻപ് ഒരുപാട് യാത്രകൾ പോകാൻ ആഗ്രഹിച്ചിരിന്നു; പക്ഷെ അവനെ തേടി വിധിയെത്തിയത് മറ്റൊരു രൂപത്തിൽ; അഷ്നയെ ഒറ്റയ്ക്കാക്കി സുധിയുടെ വിടപറച്ചിൽ; വേർപാട് താങ്ങാനാകാതെ കുടുംബം
പോത്തൻകോട്: വിവാഹം കഴിഞ്ഞ് വെറും രണ്ടര മാസം മാത്രം പിന്നിട്ടപ്പോൾ തന്നെ അപകടത്തിന്റെ രൂപത്തിൽ യുവാവിന്റെ ജീവൻ കവർന്നെടുത്തു. തന്റെ പ്രിയതമയുമായി ചേർന്ന് ഒരുപാട് സ്വപ്നങ്ങളും യാത്രകളും ബാക്കിനിർത്തി പ്രവാസ ലോകത്തേക്ക് മടങ്ങാനിരിക്കെയാണ് അഷ്നയെ തനിച്ചാക്കി സുധി അപ്രതീക്ഷിതമായി ഈ ലോകത്തോട് വിടപറഞ്ഞത്. പോത്തൻകോട് വെട്ടുറോഡിൽ പുലർച്ചെയുണ്ടായ വാഹനാപകടത്തിലാണ് നവവിവാഹിതനായ യുവാവ് മരിച്ചത്. കണിയാപുരം വാടയിൽമുക്ക് പുത്തൻകടവ് റോഡ് ക്രിസന്റ് ഹൗസിൽ സുലൈമാന്റെയും ഷൈലജയുടെയും മകൻ സുധി എസ്. സുലൈ (28) ആണ് അപകടത്തിൽ മരിച്ചത്. ബൈക്കും വാനും കൂട്ടിയിടിച്ചായിരുന്നു അപകടം.
വെട്ടുറോഡ് മേലെ ചന്തവിളയിൽ ഇന്നലെ പുലർച്ചെ ഒരു മണിയോടെയാണ് അപകടമുണ്ടായത്. ബൈക്കിൽ സുധിക്കൊപ്പം യാത്ര ചെയ്തിരുന്ന സുഹൃത്ത് പറമ്പിൽപാലം സ്വദേശി ഹാഷിറിന് (26) ഗുരുതരമായി പരുക്കേറ്റു. ഹാഷിറിനെ മെഡിക്കൽ കോളജ് ആശുപത്രിയിൽ അടിയന്തര ശസ്ത്രക്രിയയ്ക്ക് വിധേയനാക്കി.
സുഹൃത്തുക്കളോടൊപ്പം സൽക്കാരത്തിൽ പങ്കെടുത്തശേഷം വെട്ടുറോഡിൽനിന്ന് പോത്തൻകോട് ഭാഗത്തേക്ക് പോകുകയായിരുന്നു ഇരുവരും. അമിത വേഗതയെത്തുടർന്ന് ബൈക്കിന്റെ നിയന്ത്രണം നഷ്ടപ്പെട്ട് എതിരെ വന്ന വാനിലിടിക്കുകയായിരുന്നു. മിൽമയ്ക്കുവേണ്ടി പാൽ എടുക്കാൻ വന്ന വാൻ കൂട്ടിയിടിയിൽ തലകീഴായി മറിഞ്ഞെങ്കിലും ഡ്രൈവർക്ക് പരുക്കുകളൊന്നുമില്ലാതെ രക്ഷപ്പെട്ടു. അപകടത്തിൽ ഗുരുതരമായി പരുക്കേറ്റ ബൈക്ക് യാത്രികരെ പോലീസ് എത്തിച്ച് ആംബുലൻസിൽ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും സുധിയുടെ ജീവൻ രക്ഷിക്കാനായില്ല.
ഒമാനിലെ സ്വകാര്യ കമ്പനിയിൽ അക്കൗണ്ടന്റായി ജോലി ചെയ്യുകയായിരുന്നു സുധി. കഴിഞ്ഞ നവംബർ 23-നായിരുന്നു അടൂർ സ്വദേശിനി അഷ്ന എസ്. അലിയുമായുള്ള സുധിയുടെ വിവാഹം. കഴിഞ്ഞ ചൊവ്വാഴ്ച ഒമാനിലേക്ക് മടങ്ങാനിരുന്ന സുധി, ഒരു സുഹൃത്തിന്റെ വിവാഹത്തിൽ പങ്കെടുക്കാനായി യാത്രാ തീയതി 12-ലേക്ക് മാറ്റിവെക്കുകയായിരുന്നു. സുമി സുലൈ (ടെക്നോപാർക്ക്) സഹോദരിയാണ്. മധുവിധു തീരും മുൻപേ അഷ്നയെ വിട്ട് സുധി യാത്രയായത് ബന്ധുക്കൾക്കും സുഹൃത്തുക്കൾക്കും തീരാദുരിതമായി.
സ്വപ്നങ്ങളുടെ വർണ്ണക്കൂട്ടുകൾ നെയ്തു തുടങ്ങിയ ദാമ്പത്യത്തിലേക്ക് മരണത്തിന്റെ കറുത്ത നിഴൽ വീണപ്പോൾ ഒരു നാടാകെ കണ്ണീരിലായി. വിവാഹം കഴിഞ്ഞ് വെറും രണ്ടര മാസം പിന്നിടുമ്പോൾ, പ്രിയതമയായ അഷ്നയെ തനിച്ചാക്കി സുധി എസ്. സുലൈ (28) യാത്രയായി. പോത്തൻകോടിന് സമീപം നടന്ന ദാരുണമായ വാഹനാപകടമാണ് ഒരു കുടുംബത്തിന്റെ പ്രതീക്ഷകൾ തകർത്തത്.
കണിയാപുരം വാടയിൽമുക്ക് പുത്തൻകടവ് റോഡ് ക്രിസന്റ് ഹൗസിൽ സുലൈമാന്റെയും ഷൈലജയുടെയും മകനാണ് സുധി. ഒമാനിലെ സ്വകാര്യ കമ്പനിയിൽ അക്കൗണ്ടന്റായി ജോലി ചെയ്തിരുന്ന സുധി, തന്റെ വിവാഹത്തിനായാണ് നാട്ടിലെത്തിയത്. കഴിഞ്ഞ നവംബർ 23-നായിരുന്നു അടൂർ സ്വദേശിനിയായ അഷ്നയുമായുള്ള സുധിയുടെ വിവാഹം.
മധുവിധു യാത്രകളും കുടുംബത്തോടൊപ്പമുള്ള സന്തോഷനിമിഷങ്ങളുമായി ദിവസങ്ങൾ കടന്നുപോയി. ഒമാനിലേക്ക് തിരികെ പോകുന്നതിന് മുൻപ് ഭാര്യയുമൊത്ത് ഒരുപാട് സ്ഥലങ്ങളിൽ യാത്ര പോകണമെന്നും പ്രിയപ്പെട്ടവർക്കൊപ്പം സമയം ചിലവഴിക്കണമെന്നും സുധി ആഗ്രഹിച്ചിരുന്നു. എന്നാൽ എല്ലാ തയ്യാറെടുപ്പുകളെയും തകിടം മറിച്ചുകൊണ്ടാണ് വ്യാഴാഴ്ച രാത്രി ആ അപകടം സംഭവിക്കുന്നത്.
അവധി കഴിഞ്ഞ് കഴിഞ്ഞ ചൊവ്വാഴ്ച തന്നെ സുധിക്ക് ഒമാനിലേക്ക് മടങ്ങേണ്ടതായിരുന്നു. ഇതിനായി ടിക്കറ്റും ബുക്ക് ചെയ്തിരുന്നു. എന്നാൽ പ്രിയപ്പെട്ട സുഹൃത്തിന്റെ വിവാഹത്തിൽ പങ്കെടുക്കണമെന്ന അതിയായ ആഗ്രഹം കാരണം യാത്ര ഫെബ്രുവരി 12-ലേക്ക് മാറ്റിവെക്കുകയായിരുന്നു.
അടൂരിലെ വീട്ടിലായിരുന്ന സുധിയും അഷ്നയും വ്യാഴാഴ്ച ഉച്ചയോടെയാണ് കണിയാപുരത്തെ വീട്ടിലെത്തിയത്. അന്ന് രാത്രി സുഹൃത്തുക്കളെ കാണാനായി പുറത്തേക്ക് പോയതായിരുന്നു സുധി. "തിരികെ വരാൻ അല്പം വൈകും" എന്ന് വീട്ടുകാരോട് പറഞ്ഞിരുന്നുവെങ്കിലും, ആ മടക്കം മരണത്തിലേക്കാകുമെന്ന് ആരും കരുതിയില്ല. പുലർച്ചെ ഒരു മണിയോടെ പോത്തൻകോട് വെച്ച് സുധി സഞ്ചരിച്ചിരുന്ന ബൈക്കും വാനും തമ്മിൽ കൂട്ടിയിടിച്ചാണ് അപകടമുണ്ടായത്. ഗുരുതരമായി പരിക്കേറ്റ സുധിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
വിവാഹ കഴിഞ്ഞ് മാസങ്ങൾ മാത്രം പിന്നിടുമ്പോൾ പ്രിയപ്പെട്ടവന്റെ വിയോഗം താങ്ങാൻ അഷ്നയ്ക്ക് സാധിച്ചിട്ടില്ല. അടൂരിൽ നിന്നും സ്വപ്നങ്ങളുമായി കണിയാപുരത്തെ വീട്ടിലേക്ക് വന്ന പെൺകുട്ടിയെ ആശ്വസിപ്പിക്കാൻ എന്ത് പറയണമെന്നറിയാതെ ബന്ധുക്കളും നാട്ടുകാരും വിങ്ങുകയാണ്. നാട്ടിലെ ഏവർക്കും പ്രിയപ്പെട്ടവനും സ്നേഹസമ്പന്നനുമായിരുന്നു സുധി. തങ്ങളുടെ പ്രിയ സുഹൃത്തിന്റെ വേർപാട് സുഹൃത്തുക്കൾക്കും ഇനിയും ഉൾക്കൊള്ളാനായിട്ടില്ല.
ഒരു യാത്ര മാറ്റിവെച്ചതും, അവസാനമായി ഒന്ന് പുറത്തേക്ക് പോയതും സുധിയുടെ ജീവിതം കവർന്നെടുത്തത് യാദൃശ്ചികതയെന്ന് പറയുമ്പോഴും, ഈ തീരാനഷ്ടം ആ കുടുംബത്തിന് നികത്താനാവാത്തതാണ്. സുധിയുടെ സംസ്കാര ചടങ്ങുകൾ വലിയ ജനപങ്കാളിത്തത്തോടെ നടന്നു.
